ТДМ 4. Әл-Фараби атындағы Қазақ ұлттық университетінің оқытушылары Харбин политехникалық университетінде (ҚХР) дәрістер топтамасын оқыды

2024 жылғы 6-9 қараша аралығында Әл-Фараби атындағы Қазақ ұлттық университеті Халықаралық қатынастар факультетінің оқытушылары жоғары оқу орындары арасындағы ынтымақтастық туралы Меморандум аясында Харбин политехникалық университетіне (Harbin Institute of Technology) барды.

      Сапар барысында оқытушылар: профессор С.Ж. Айдарбаев, доценттер      К. Ж. Алтаева, Г.С. Байкушикова, З.М. Баймағамбетова ТДМ 4 «Сапалы білім» жетістігі аясында Харбин политехникалық университетінің гуманитарлық ғылымдар, әлеуметтік ғылымдар және құқық факультетінің студенттері мен магистранттары үшін халықаралық және салыстырмалы құқықтың, халықаралық қатынастардың өзекті мәселелері бойынша дәрістер топтамасын оқыды.

      Халықаралық құқық кафедрасы жанынан құрылған халықаралық және салыстырмалы құқықтың Қытай-Қазақстан бірлескен білім беру және зерттеу орталығы аясында Wang Hong-wei, Zhao Нongrui жетекші профессорларымен ғылыми семинарлар өткізілді. Онда докторанттардың диссертациялық зерттеулерінің нәтижелері, құқық мектебінің бірлескен ғылыми зерттеулері талқыланды. Шара барысында ғылымы мен жоғары білімінің озық жетістіктері мен ынтымақтастықты дамыту, қос дипломды білім беру  бағдарламалары, студенттердің академиялық ұтқырлығы мәселелері талқыланды.