Теориядан практикаға: Метеоролог мамандығындағының заманауи мүмкіндіктері мен қиындықтары

2024 жылдың 14 қарашасында география және табиғатты пайдалану факультетінің метеорология және гидрология кафедрасында БҰҰ-ның ТДМ 4 (Сапалы білім) және ТДМ 8 (Лайықты жұмыс және экономикалық өсу) мақсаттарына қол жеткізу аясында «Қазаэронавигация» РМК-ның метеорологиялық қамтамасыз ету және ақпарат басқармасының басшысы Костикова Василина Александровнаның «Қазаэронавигация» РМК-ның қызметі және метеоролог-студенттер үшін өндірістік практикадан өту мен жұмысқа орналасу мүмкіндіктері» тақырыбында Лидерлік дәрісі өтті.

Василина Костикова авиациялық синоптиктің жұмысы туралы толығырақ айтып берді. Василина Александровна атап өткендей, авиациялық синоптиктің негізгі міндеттері – ұшу үшін маңызды болып табылатын ерекшеліктерін ескере отырып, нақты болжамдар жасау. Авиациялық синоптик ұшқыштар мен диспетчерлерге ауа райы туралы маңызды ақпаратты ұсынуға жауапты. Бұл ауа райын болжауды әзірлеуді, қауіпті ауа райы жағдайлары туралы ескертулер шығаруды және болжамдардың дәлдігін арттыру үшін деректерді талдауды қамтиды. Сонымен қатар, авиациялық метеорологтар ауа райы жағдайларын бақылауға және ұшулардың қауіпсіз әрі тиімді орындалуын қамтамасыз ету үшін ұшқыштар мен авиадиспетчерлерге кеңестер жүргізуге жауапты.

Костикова В.А. компьютерлік технологиялардың және ауа райының математикалық модельдерінің дамуына байланысты жаңа болжау әдістері туралы да айтып өтті, бұл болжамдардың дәлдігін едәуір арттыруға мүмкіндік береді. Сондай-ақ, қазіргі уақытта Қазақстан Республикасының барлық аэродромдары халықаралық стандарттарға толық сәйкес келетін Vaisala финдік датчиктер жинақтарымен жабдықталған заманауи автоматтандырылған метеорологиялық өлшеу жүйелерімен (АМИС) жабдықталғанын атап өтті. Олар аэродромдағы нақты ауа райы параметрлерінің дәл және сенімді мәндерін алуға мүмкіндік береді.

Метеорологиялық қызметтің жұмысы Қазақстан Республикасының қолданыстағы заңнамасымен және Халықаралық азаматтық авиация ұйымы (ИКАО) мен Дүниежүзілік метеорологиялық ұйымның (ВМО) ережелеріне сәйкес реттеледі.

Дәріс барысында студенттер метеоролог мамандығының сұранысы, мансаптық өсу мүмкіндіктері және таңдалған метеоролог мамандығында табысты әрі бәсекеге қабілетті болу үшін студенттің қандай құзыреттерге ие болуы керектігі жөнінде өздерін қызықтырған сұрақтарын қойды.