Қазақ АКСР мемлекеттік билік жүйесінің өкілдері. 1920–1936: Өмірбаяндық-қызметтік анықтамалық

2024 жылғы 19 қарашада Мәдениет және ақпарат министрлігі Архив, құжаттама және кітап дела комитетінің «Орталық мемлекеттік архив» РММ-нде тарих ғылымдарының кандидаты, Орталық мемлекеттік архив директоры С.Шілдебайдың «Қазақ АКСР мемлекеттік билік жүйесінің өкілдері. 1920–1936: Өмірбаяндық-қызметтік анықтамалық» атты ғылыми анықтамалығының тұсаукесері өткізілді.

Кітаптың тұсаукесеріне Қазақстан Республикасы Президентінің кеңесшісі М. Отарбаев, ҚР Мәдениет және ақпарат министрлігі Архивтер, құжаттама және кітап ісі комитетінің төрағасы Р. Әли, Қазақ ұлттық университеті Тарих факультетінің деканы Байгунаков Д.С., Дүниежүзі тарихы, тарихнама және деректану кафедрасының, Қазақстан тарихы кафедрасының профессорлары мен көрнекті тарихшы-ғалымдары, Абай атындағы Қазақ ұлттық педагогикалық университетінің, Қазақ ұлттық қыздар педагогикалық университетінің профессорлары мен оқытушылары, сондай-ақ докторанттар, магистранттар, студенттер және БАҚ өкілдері қатысты.

Тұсаукесер барысында профессор, т.ғ.д. Көкебаева Г. К., т. ғ. д., доцент Алимгазинов К.Ш. құттықтау сөз сөйлеп, ғылыми анықтамалық тақырыбы бойынша баяндама жасады. Сондай-ақ, т.ғ. д., доцент Алимгазинов К.Ш. бұл анықтамалықты дайындау барысында сарапшы болғанын атап өткен жөн.

Таныстырылым барысында қатысушылар архив құжаттарын ғылыми айналымға енгізудің маңыздылығы мен оның тарихи зерттеулердегі рөлін талқылады. Анықтамалықтың Қазақстан тарихын зерттеушілер мен қалың оқырман үшін құнды ғылыми еңбек екенін атап өтті.