Түркияда ғылыми тағылымдамадан өттік

Докторанттар үшін ғылыми тағылымдама кәсіби дамуы мен білімін тереңдетудің маңызды кезеңі болып саналады. Біз де өз кезегімізде білім алып жатқан «Геоинфор­ма­тика» мамандығы бойынша Ыстамбұл қаласындағы Йылдыз техникалық универси­те­т­інде ғылыми тағылым­да­мадан өттік.

Геоинформатика – бұл гео­гра­фиялық ақпаратты жинау, өң­деу, талдау және визуа­ли­зациялау үшін қолданылатын ғылым саласы. Қазіргі заманда геоинформатика тек геогра­фия мен картографияда ғана емес, сонымен қатар қоршаған ортаны қорғау, ауыл шаруа­шы­лығы, урбанистика, инженерия және қауіпсіздік сияқты көп­те­ген салаларда кеңінен қол­да­нылады. Бұл ғылым саласы жаңа технологиялар мен цифр­лық шешімдердің дамуы арқа­сын­да маңызды рөлге ие бо­лып келеді.

Осыған орай, заманауи зерт­­теу орталықтары, озық ғы­лыми базасы, жоғары білікті оқытушы-профессорлық құ­ра­мы бар Түркиядағы жетекші оқу орындарының бірі болып са­налатын Йылдыз техникалық университеті геоинформатика бағытында білім алып жатқан докторанттарға өз білімін же­тіл­діруге қолайлы орта ұсы­на­ды.

Бұл тағылымдама бізге ғы­лы­ми зерттеу жұмыста­ры­мыз­дың сапасын арттыруға және халықаралық тәжірибе жинақ­тау­ға үлкен мүмкіндік берді.

Тағылымдамадан өтудегі негізгі мақсатымыз ғылыми зерттеулерді жүргізу әдістерін жетілдіру болатын. Осыған орай, бізге Геоматика/карто­гра­фиялық инженерия кафе­дра­сының профессоры Наджи Йастыклы және азаматтық құрылыс, инженерлік геома­ти­ка, фотограмметрия факульте­ті­нің деканы, профессор Жу­нейт Айдын өзіміздің ғылыми жобаларымыз бойынша Йыл­дыз университетінің заманауи зертханаларында тәжірибе жа­сауға көмектесті. Олар де­рек­терді өңдеу, ГИС техно­ло­гия­ларын қолдану, карто­гра­фиялау және геодинамикалық талдау бойынша жаңа әдіс­тер­ді меңгеруімізге мүмкіндік жасады. Тағылымдама ба­ры­сында университеттің про­фес­сор­ларымен және басқа да зерт­теушілермен байланыс ор­натып, өзара тәжірибе ал­мастық. Геоинформатика са­ла­сындағы заманауи бағдар­ла­малық қамтамасыз етуді қол­дануды үйреніп, өз зерт­теу­лерімізге инновациялық әдіс­тер­ді енгізудің сәті түсті. Со­нымен қатар түркиялық әріп­­тестерімізбен бірге док­торлық зерттеу жұмыс­та­ры­мызды талқылап, тәжірибе ал­ма­су арқылы зерттеуімізді жаңа деңгейге көтердік.

Тағылымдамадан өту тәжі­ри­бесі ғылыми жобаларды ха­лық­аралық деңгейде жүзеге асыруға үлкен серпін берді деп айта аламыз.

Әл-Фараби атындағы Қазақ ұлттық университеті мен Йыл­дыз техникалық университеті арасындағы серіктестік білім беру мен ғылыми зерттеулер саласындағы ынтымақ­тас­тық­ты нығайтуға ықпал етеді. Мұн­дай тәжірибе алмасу Қазақ­стан­ның геоинформатика са­ласын­дағы жас ғалым­да­ры­ның кәсіби біліктілігін арт­ты­руға және халықаралық дең­гейде мойындалған зерт­теу­лерді жүзеге асыруға сеп­тігін тигізеді. Геоинфор­ма­тика – қазіргі заманғы ғылым мен технологиялар саласындағы маңызды бағыттардың бірі. Ол тек табиғи ресурстарды тиімді басқаруға ғана емес, сонымен қатар экологиялық мәселе­лер­ді шешуге, қалалық инфрақұ­ры­лымды дамытуға және ғылыми зерттеулерді жетіл­ді­руге көмек береді. Қазақстанда геоинформатика саласының дамуы елдің тұрақты дамуы мен экономикалық өсуіне де ықпал етеді.

Докторанттар үшін мұндай тағылымдамалар ғылыми зерт­­теу дағдыларын жетіл­діруге, халықаралық ғылыми қа­уым­дастыққа интегра­ция­ла­нуға және кәсіби желіні ке­ңей­туге мүмкіндік береді. Со­ны­мен қатар бұл тәжірибе оларға әлемдік деңгейдегі зерттеулер жүргізуге және Қазақстандағы ғылыми әлеуетті арттыруға септігін тигізеді. Геоин­фор­ма­тика саласын одан әрі дамыту үшін білім беру мен ғылыми зерттеулерді қолдау, заманауи технологияларды енгізу және халықаралық ынтымақ­тас­тық­ты нығайту қажет.

Маңызды әрі құнды тағы­лым­­дамадан өтуге ықпал жа­сап, көмек көрсеткен же­тек­­ші­лерімізге, университет бас­­­­шы­лығына және Йылдыз уни­верситетінің профессор­ларына бізге әрдайым қолдау білдіріп, кеңес беріп отырғаны үшін алғыс білдіреміз.

Нұржан ЕРЖАНҰЛЫ,

Назым СҰЛТАНҒАЛИҚЫЗЫ,

«Геоинформатика» мамандығының докторанттары