ҚИЫР ШЫҒЫС КАФЕДРАСЫНЫҢ ТАБЫСТЫ ТҮЛЕКТЕРІ

Қиыр Шығыс кафедрасы биыл өзінің 35 жылдық мерейтойын атап өтті. Осы жылдар аралығында кафедрамыздан мансап жолында үлкен жетістіктерге жеткен түлектеріміз түлеп ұшты. Солардың бірі биыл ғана «Аймақтану (шығыс елдері)» мамандығының магистратура деңгейін аяқтап, магистр дәрежесіне ие болған түлегіміз – Мұратханқызы Назерке.

2017 жылы «Шығыстану» мамандығының корейтану бөліміне оқуға түсіп білім жолын бастаған Назерке қосдипломдық бағдарлама бойынша білім алып, Корея университетінің түлегі атанған болатын.

Назерке қазіргі таңда «Highvill Kazakhstan» құрылыс компаниясында аудармашы болып жұмыс істейді. «Highvill Kazakhstan» құрылыс компаниясы Астанадағы танымал құрылыс компанияларының бірі. Оның атқарған жұмыстарының қатарында бірнеше сәтті аяқталған құрылыс жобалары және жұмыстары жүргізіліп жатқан бірнеше құрылыс нысандары бар.

Жуырда ғана университет қабырғасындағы білімін аяқтап, еңбек жолын бастаған түлегімізге мансап жолында жоғары дәрежеге жетіп, еліміздің экономикасын көтеруге өз үлесін қосуын тілейміз!