Таяу Шығыс және Оңтүстік Азия кафедрасы арабтану бөлімі жұмыс беруші ретінде бекітілген Нұр-Мүбарак университетінің басшылығымен кездесті.
Аталған университеттің Шетел филологиясы факультеті деканы доктор Ахмад Кемал және Аударма ісі кафедрасының меңгерушісі доктор Г. Рысбаева студенттердің өндірістік практикасы кезінде теориялық білімдерін практика жүзінде көрсете алатынын, жұмысқа бейімділігі мен қабілеттері көрініс табатынын, сол себепті жұмыс беруші мекеме ретінде өндірістік практиканы өткізу маңызды екенін атап өтті.
Екі жақ өндірістік практика кезінде студенттерге жүктелетін міндеттер, талаптармен қатар, болашақ маман ретінде қалыптасуына көмегін тигізетін бірқатар мәселелердің ретімен танысты.
Сондай-ақ, екі университет бірлесе түрлі шаралар өткізуді, тілдік олимпиадалар ұйымдастыруды жоспарлады.
Арабтану бөлімінің басшылары Нұр-Мүбарак университетінің басшылығына әріптестік үшін алғыс білдірді.
Басқа жаңалықтар
