Әл-Фараби атындағы Қазақ ұлттық университеті заң факультетінің азаматтық құқық және азаматтық іс жүргізу, еңбек құқығы кафедрасы, ҚазҰУ қызметкерлерінің «Парасат» кәсіподақ ұйымымен және Санкт-Петербург гуманитарлық университетінің Алматы филиалымен бірлесіп, «Қазақстан Республикасында және ТМД мемлекеттерінде еңбек заңнамаларын жетілдіру: теория және тәжірибе» атты дөңгелек үстел өткізді. Доцент Т.Абайдельдинов модератор ретінде аталған конференцияның мақсаттары мен міндеттері туралы айтты. Ол екі жоғары оқу орындары студенттерінің конференцияға қатысқандығына риза екендігін және олардың жаңа Еңбек Кодексінің ережелерімен жұмыс жасайтынын тілге тиек етті.
Әл-Фараби атындағы Қазақ ұлттық университеті «Парасат» кәсіподақ ұйымының өкілдері кәсіподақ ұйымдарын жетілдіру – қазіргі кезеңнің басты бағыттарының бірі екендігін атап көрсетті. Барлық қатысушылар біздің қоғамдық өміріміздегі кәсіподақ ұйымдарының атқаратын қызметі жоғары екендігін айтты. Оның дәлелі – Қазақстан Республикасының Президенті Н.Назарбаевтың кәсіподақ мәселелеріне баса көңіл бөлгендігі.
Қазіргі кезде әл-Фараби атындағы Қазақ ұлттық университеті қызметкерлерінің «Парасат» кәсіподақ ұйымы әкімшілік пен қызметкерлердің арасында жаңа ұжымдық шартты даярлау үстінде. Себебі 2016 жылы ескі ұжымдық шарттың мерзімі аяқталады, сондықтан да конференцияның қорытындысы маңызды құжатты одан әрмен жақсартуға мүмкіндік береді. Ұжымдық шартты даярлау барысында ең алдымен ҚазҰУ-дің кәсіподақ мүшелері Президенттің ұжымдық шартының егжей-тегжейлі жария түрде және ашық болу керектігін және де оны әрбір қызметкерге түсіндіру керектігі айтылды.
Әл-Фараби атындағы Қазақ ұлттық университетінде әлеуметтік әріптестік жаңа деңгейге көтерілді. Әрбір үздік қызметкерлерді марапаттау немесе мерекелерді өткізу кәсіподақтың қатысуынсыз өткізілмейді.
ҚазҰУ-дің кәсіподақ төрағасы Т.Мекебаев: «Біз өзіміздің тәжірибемізбен бөлісеміз және конференцияға қатысушылардың бастамаларын қабылдауға әр уақытта дайынбыз» деп ыстық ықыласын білдірді.
Қазақстан еңбек конфедерациясының Бас хатшысы өзінің «Кәсіподақ құрылысы және әлеуметтік әріптестік» атты қазіргі кәсіподақ ұйымының баяндамасында азаматтық қоғамды және мемлекеттің экономикалық дамуының тұрақты түрде қалыптасуында атқаратын рөлі жергілікті органдармен әлі де болса бағаланбайтынына қынжылды.
2015 жылғы Еңбек Кодексінің жобасын даярлаудағы жұмысшы тобының мүшесі Н.Гилеваның «Еңбек қатынастарын либерализациялауы. Еңбек кодексінің жаңа концептуалды моделі» атты жобасы үлкен қызығушылық тудырды.
Қарастырылған мәселелерді қорытындылай келе, елімізде кәсіподақ жұмысын дамыту саласында заңнамаларды жетілдіру туралы шешім қабылданды.
Ольга ЛОЖНИКОВА, әл-Фараби атындағы Қазақ ұлттық университеті қызметкерлерінің «Парасат» кәсіподақ ұйымы төрағасының орынбасары.
Серікқали ТЫНЫБЕКОВ, әл-Фараби атындағы Қазақ ұлттық университеті азаматтық құқық және азаматтық іс жүргізу,еңбек құқығы кафедрасының меңгерушісі, профессор
http://aikyn.kz/ru/articles/show/18359-e_bek_za_dary_zhet_ld_r_led_
Басқа жаңалықтар
