«1980 жылдардан кейінгі қытай әдебиеті және оның ерекшеліктері» тақырыбында ғылыми семинар өтті

2025 жылдың 28 қаңтарда шығыстану факультеті, қытайтану кафедрасында «1980 жылдардан кейінгі қытай әдебиеті және оның ерекшеліктері» тақырыбында ғылыми семинар өтті. Семинарға қытайтану кафедрасының оқытушылары, докторанттар мен магистранттар қатысты. Шарада «8D02305 – Шетел филологиясы» мамандығының 1 курс докторанты Сарсембаева Фариза Нұрділдақызы баяндама жасап, қойылған сұрақтарға жауап берді.

Ғылыми семинар өзекті және маңызды тақырыпқа арналды – қытай әдебиеті және оның ерекшеліктері, қазіргі таңда қытай әдебиетін зерттеп оқитын жастарға үлкен маңызы бар тақырып болып табылады.

Жалпы 1980 жылдардағы Қытай әдебиеті өз оқырмандарын сан қырлы бағытқа бастаған ерекше тенденциялар, ағымдар мен стильдерінің пайда болуына жол ашты, қызықты шығармалар оқырманды магниттей өзіне баурай алды. Қытай әдебиетінің қазіргі жағдайы көптеген заманауи мәселелерді көтеріп, әлемдік әдебиетке әсерін тигізіп отыр.

Семинар барысында ұсынылған ұсыныстардың теориялық және практикалық іс-шаралар үшін маңызы зор.

Іс-шара пікір алмасу, талқылау және жаңа идеяларды тудыратын маңызды алаңға айналды, бұл оның барлық қатысушылар үшін маңыздылығын растайды.