Маған ұмытылмас сезімдер мен естеліктер сыйлаған керемет тәжірибе

Мен, Нұрланқызы Нұрсая, 3-курс, 1-ші семестрде академиялық ұтқырлық бағдарламасы бойынша Қытайдың Цзинин қаласында оқыдым. Бұл мен үшін ұмытылмас әсерлер мен естеліктер сыйлаған керемет тәжірибе болды.  

Қытай университеті бізге қытай мәдениетіне терең үңілуге бірегей мүмкіндіктер ұсынды: әртүрлі іс-шаралар ұйымдастырылды (мысалы, балалармен бірге қытай тілі лагері өтті), Қытай қалаларына (Цюйфу, Хыдзы) экскурсиялар жасалды, сондай-ақ бізді дәстүрлі тағамдардан дәм татуға шақырып, каллиграфия сабақтарын өткізді.  

Мен көптеген тамаша адамдармен танысып, олармен бірге өткізген уақытымды өте бақытты әрі қуанышты сәттерге толтырдым. Қытайда танысқан достарыммен жиі уақыт өткізіп, сөйлесіп, осылайша ауызекі тіл деңгейімді жақсарттым. Тіпті, қазір елге оралсам да, біз әлі күнге дейін WeChat арқылы байланысып, сөйлесіп тұрамыз.  

Шынымды айтсам, қайта қайтқым келмей, Қытайда көбірек уақыт өткізгім келді. Бірақ бұл маған болашақта Қытайға қайта оралуға деген үлкен ынта мен мақсат береді!