2025 жылғы әл-Фараби атындағы ҚазҰУ студенттерінің өндірістік практикасы

2025 жылдың 20 қаңтарынан 15 наурызына дейінгі аралықта  әл-Фараби атындағы ҚазҰУ-нің 3 және 4 курс студенттері ҚР Сыртқы істер министрлігі, ҚР Ұлттық академиялық кітапханасы, RAMS құрылыс компаниясы және Алматы түркі халықтарының мәдениет қоры сияқты беделді жоғары мекемелерде өндірістік практикадан өтеді. Бұл студенттерге кәсіби ортада құнды тәжірибе жинауға және теориялық білімді практикада қолдануға  мүмкіндік береді.

Практиканың мақсаттары мен міндеттері:

Практиканың басты мақсаты нақты кәсіби қызметтік ортада тілдік және коммуникациялық дағдыларды дамыту. Студенттер тілді әртүрлі кәсіби жағдайларға бейімдеуді,  көпұлтты және мәдениетаралық ұжымдарда жұмыс істеуге үйренеді. Бұл олардың халықаралық ұйымдардағы болашақ мансабы үшін өте маңызды.

Практиканың маңыздылығы: Бұл әл-Фараби атындағы ҚазҰУ студенттері үшін беделді мекемелерде жұмыс істеудің құнды тәжірибесін, халықаралық құрылымдарда, мемлекеттік мекемелер мен мәдени ұйымдарда табысты мансапқа жол ашатын дағдыларды дамыту үшін берілетін үлкен мүмкіндік және де студенттердің еңбек нарығындағы бәсекеге деген қабілеттілігін айтарлықтай арттырады.

                                             Түріктану және Шығыс елдері тарихы кафедрасы

                                                                                      Халел Агнұр

                                                                                             Дулаева Эльнара Зильпикаровна