Ұлы ойшыл мұрасына арналған басқосу

«Табиғи-техногендік қауіп-қатерлер» ма­­ман­­дығының сту­­денттері  әл-Фа­раби мұрасына арналған кураторлық сағат өткізді. Бұл шараның мақсаты  білім алу­шы­ларға қазақ фи­ло­со­фия­­сы­ның негізін қа­лау­шы, ойшыл әл-Фараби жайлы тереңірек түсінік беру, оның мұрасының қа­зіргі заманғы ғылым мен қоғам үшін маңыз­дылығын түсіндіру болды.

Кураторлық сағатқа фи­ло­­со­фия және саясаттану фа­культеті Философия ка­фе­драсының доценті Асқар Лесхан арнайы шақыр­тыл­ды. Ол өз сөзінде әл-Фа­ра­бидің философия ғылымына қосқан үлесі, оның адам­зат­тық құндылықтарға қатысты ойы мен қазіргі қоғамға әсе­рі туралы айтып өтті. Лесхан Әмірханұлы әл-Фарабидің бі­лім мен ғылымға деген көз­қарасын, оның әлеу­мет­тік және табиғи дүниеге де­ген терең түсінігін сту­дент­терге қызықты әрі түсінікті түрде жеткізе білді.

Студенттерге әл-Фа­ра­би­дің қоғамның тұрақты да­муы мен үйлесімділікке қа­тысты айтқан ойы бүгінгі таң­­да өзекті екені түсін­ді­рілді. Оның философиялық мұрасын тереңірек зерттеу мақсатында ұйымдас­ты­рыл­­ған кураторлық сағат өте мазмұнды өтті. Шарада студенттерге ұлы ойшылдың терең философиялық ой­лары мен идеяларын тү­сі­нуге мүмкіндік берілді және студенттермен бірге әл-Фа­ра­бидің қанатты сөз­де­рі­не талдау жасады. Ол сөз­дер­дің мағынасы мен олар­­ды қазіргі қоғам мен ғы­лым тұр­ғысынан қалай түсінуге бо­латынын егжей-тегжейлі түсіндірді. Әл-Фа­рабидің сөз­дерінде адам­гершілік, білім, әділеттілік, мо­раль, қоғамның тұрақ­ты­лығы мен дамуы туралы ай­тылған терең ойлар ашылды.

Студенттер әл-Фара­би­дің «Адамзаттың ең ұлы мақ­­­саты – бақытты өмір сү­ру» және «Тәрбиесіз берілген білім – адамзаттың қас жауы» деген сөздеріне ерек­ше көңіл аударды. Бұл ой бү­гінгі таңда да өзектілігін жоғалтпағаны атап өтілді.

Балауса БАҚЫТЖАНҚЫЗЫ,

«Табиғи-техногендік қауіп-қатерлер» мамандығының 2-курс студенті