Бекен Сағатбекұлы Арымбеков – PhD докторы, профессор, «Горизонт Европа» ғылыми және инновациялық бағдарламасының басым бағыттары бойынша Қазақстандағы ұлттық үйлестіруші, оның ішінде Marie Skłodowska-Curie Actions мобильділік бағдарламасы. 17 жылдан астам ғылыми-педагогикалық тәжірибесі бар.
Халықаралық ынтымақтастықты үйлестірумен айналысады, соның ішінде кадрлар алмасу, профессорлар мен студенттерді «Горизонт Европа» бағдарламасы аясында оқыту мен тағылымдамадан өткізу жұмыстарын жүргізеді. Қазақстандық жоғары оқу орындарының еуропалық елдермен әріптестік байланыстарын дамытуға белсенді атсалысады. Неміс және испан тілдерін меңгерген.
Жетістіктері:
- Нидерландпен бірлесіп Қазақстан теңіз академиясының құрылуына атсалысты.
- «FabLab» авторизацияланған орталығын ашуды ұйымдастырды (АҚШ, Массачусетс технологиялық институты).
- «IOSH» авторизацияланған орталығының (Ұлыбритания) құрылуына ықпал етті.
- «Pearson Vue» авторизацияланған тестілеу орталығын (Ұлыбритания) ашты.
- «TOEFL IBT» авторизацияланған тестілеу орталығының (АҚШ) ашылуына көмектесті.
Бекен Сағатбекұлы халықаралық білім беру және зерттеу бастамаларына белсенді қатысады, Қазақстандағы ғылым мен академиялық ұтқырлықтың дамуына өз үлесін қосуда. Физика-техникалық факультетін PhD дәрежесімен бітірген.
Басқа жаңалықтар
