1-курс студенттерімен Ар-намыс кодексі және академиялық саясат талқыланды

2025 жылғы 24 ақпанда «Халықаралық қатынастар» білім беру бағдарламасының 1-курс студенттерімен кездесу өтті. Кездесуді эдвайзер Апсаттарова Гулзада Абдусагатовна жүргізді. Кездесу барысында университеттің Ар-намыс кодексі мен Академиялық саясаты талқыланды. Ерекше назар академиялық адалдық, тәртіп бұзушылық үшін жауапкершілік, сондай-ақ бағалау қағидалары мен сабаққа қатысу талаптарына аударылды. Сонымен қатар, студенттер келесі оқу жылына арналған пәндерді таңдап, қолжетімді курстар мен оқу жоспарының талаптарымен танысты.