«International Education Fair – 2025» халықаралық білім көрмесіне қатысу

Халықаралық білім көрмелері студенттердің академиялық және кәсіби дамуы үшін маңызды рөл атқарады. Мұндай іс-шаралар шетелдік білім беру бағдарламалары туралы жан-жақты ақпарат алып, жаңа байланыстар орнатуға және болашақ жоспарларын айқындауға мүмкіндік береді.

Халықаралық қатынастар факультетінің студенттері оқытушыларымен бірге «International Education Fair – 2025» халықаралық білім көрмесіне қатысты. Көрме Rixos Almaty қонақүйінде өтіп, 40 елден 70-тен астам университет пен білім беру мекемелерін жинады. Қатысушылардың қатарында АҚШ, Ұлыбритания, Канада, Австралия, Франция және басқа да елдердің беделді жоғары оқу орындары болды.

Көрме барысында студенттер:
✅ Бакалавриат, магистратура, тілдік курстар және жазғы мектептер бағдарламаларымен танысты.
✅ Оқуға түсу талаптары, құжаттарды тапсыру мерзімдері және стипендия алу мүмкіндіктері туралы ақпарат алды.
✅ Мансап таңдауы мен табысты түсу стратегиясы бойынша шеберлік сыныптарына қатысты.
✅ ЖОО өкілдерімен жеке кеңестер алып, қызықтырған сұрақтарына жауап алды.

Осындай іс-шаралар студенттерге халықаралық білім беру мүмкіндіктерін зерттеуге және өз болашағын академиялық трендтерге сәйкес жоспарлауға көмектеседі.

PhD Мұхаметқалиева Г.О.
Әл-Фараби атындағы ҚазҰУ
Халықаралық қатынастар факультеті, дипломатиялық аударма кафедрасы