«Білім беру саласындағы жасанды интеллект (ЖИ): сын‑тегеуріндері мен эволюциясы» VI Халықаралық ғылыми және оқу әдістемелік конференциясы сәтті өтті

2025 жылғы 14 наурызда әл‑Фараби атындағы Қазақ ұлттық университетінің 90 жылдық мерейтойын атап өту аясында «Білім беру саласындағы жасанды интеллект: сын‑тегеуріндері мен эволюциясы» атты VI Халықаралық ғылыми және оқу әдістемелік конференциясы өтті. ҚазҰУ филология факультетінің Шетел тілдері кафедрасы ұйымдастырған іс-шара сағат 10:00-де басталып, Қазақстан мен шетелден ғалымдар, зерттеушілер мен білім беру мекемелерінің өкілдерін жинады.
Конференция жалпы отырыстан басталып, онда Шетел тілдері кафедрасының меңгерушісі Д. Ж. Досмағамбетова сөз сөйледі. Іс-шара барысында қатысушылар жасанды интеллект саласындағы заманауи жетістіктерді және оның білім беру процестерін трансформациялаудағы рөлін талқылады.
Шақырылған сарапшылар арасында сөз сөйлеген:
Тео Мойтаба Аммари – PhD докторы, Эмирейтс авиациялық университетінің математика және деректер ғылымдары бойынша доценті (Дубай, БАӘ) ;
Андела (Анджела) Попович – ESL маманы, Сан-Диегодағы Калифорния университетінің өкілі (АҚШ);
Моника Ольга Финелли – Americor компаниясының деректер талдаушысы және бағдарламалық өнім менеджері (АҚШ);
Нелли Асматуллаева – Нельсон Марлборо технологиялық институтының оқытуды жетілдіру бойынша дизайнері (Жаңа Зеландия);
Кристофер Кортен –Адам Мицкевич университетінің профессоры (Познань, Польша) ;
Бора Демир – қауымдастырылған профессор, Чанаккале Онсекиз Март университетінің докторы (Түркия);
Паула Оржеховска – Адам Мицкевич университетінің профессоры (Познань, Польша).
Конференция аясында келесі сессиялар ұйымдастырылды:
1-ші секция: Физика-техникалық ғылымдар және ақпараттық технологиялар салаларындағы жасанды интеллект. Физика, математика, механика және ақпараттық технологиялар секілді салалардағы ЖИ қолдану мәселелері талқыланды.
2-ші секция: Жаратылыстану ғылымдарындағы жасанды интеллект. Химия, биология, география, геология және медицинада ЖИ қолдану перспективалары туралы баяндамалар ұсынылды.
3-ші секция: Әлеуметтік-гуманитарлық ғылымдарындағы жасанды интеллект. Философияға, педагогикаға, психологияға, филологияға, тарихқа және басқа да гуманитарлық пәндерге жасанды интеллектті енгізудің қиындықтары мен мүмкіндіктері қарастырылды.
Конференция отандық және шетелдік мамандар арасындағы нәтижелі диалог алаңына айналды, бұл идеялармен алмасуға және білім беру процесіне жасанды интеллект технологияларын интеграциялаудың озық әдістерін талқылауға мүмкіндік берді. Өз жобаларын ұсынуға және жетекші сарапшылардан сындарлы кері байланыс алуға мүмкіндік алған жас зерттеушілерді қолдауға ерекше назар аударылды. Ұйымдастырушылар ұсынылған зерттеулердің жоғары деңгейін атап өтіп, барлық қатысушыларға белсенді қатысқаны және ғылыми-білім беру ынтымақтастығын дамытуға қосқан құнды үлесі үшін алғыс білдірді.