Қазақстан халқы Ассамблеясы- бейбітшілік пен бірліктің кепілі

Әл – Фараби атындағы ҚаЗҰУ филология факультетінің “Шетел филологиясы және аударма ісі” кафедрасы 20.03.25 сағат 14.00 - де "Қазақстан халқы Ассамблеясы- бейбітшілік пен бірліктің кепілі" тақырыбында кездесу өткізді.  Іс-шараны аға оқытушы     Ә. Ж. Байелі және "Шетел филологиясы" мамандығының 1 курс докторанттары Е. Қоныс, Г. Әнуар ұйымдастырды. Іс - шараға арнайы қонақтары – «Түркімен қоғамдық мәдени орталығы» этно-мәдени  бірлестігінің басшысы Г.А. Аннакулиева,  «Мурас» қырғыз этно-мәдени  бірлестігінің басшысы М.Н.Ташибеков, Қазақстан Республикасы Мәдениет және ақпарат министрлігі этносаралық қатынастарды дамыту комитетінің "Қоғамдық келісім" РММ Алматы қаласы республикалық Достық үйінің қызметін қамтамасыз ету басқармасының жетекші сарапшысы,  түрікмен қоғамдық-мәдени орталығының кураторы А. Жақыпова.

Қазақстан халқы Ассамблеясы (ҚХА) елдегі этносаралық келісімді, тұрақтылық пен бірлікті қамтамасыз ету үшін құрылған бірегей институт болып табылады. Оның қызметі мемлекеттік ұлттық саясатты іске асыруға, қоғамдық-саяси тұрақтылықты нығайтуға және этносаралық қатынастар саласындағы мемлекеттік және азаматтық институттар арасындағы өзара іс-қимылдың тиімділігін арттыруға бағытталған.

Аннакулиева Г. А. ҚХА-ның маңызды миссиясы мәдени орталықтарды, фестивальдар мен білім беру бағдарламаларын қолдай отырып, әртүрлі этностардың мәдени мұрасын сақтау және дамыту болып табылатынын атап өтті. Қазақстан халқы Ассамблеясының Төрағасы - Қазақстан президенті - Қасым-Жомарт Тоқаев. Ассамблея Төрағасы Ассамблея қызметінің негізгі бағыттарын айқындайды және бекітеді. Оның Қазақстан Республикасы Президентінің актілерімен Ассамблея кеңесінің ұсынымдары негізінде тағайындалатын екі орынбасары бар.

 "Қазақстан халқы Ассамблеясы" тақырыбындағы ашық сабақ патриотизмді, толеранттылықты және мәдени әртүрлілікті құрметтеуді тәрбиелеудің тиімді құралы болып табылады. Көпұлтты қоғам жағдайында мұндай іс-шаралар Қазақстанның тұрақтылығы мен өркендеуінің кепілі болып табылатын этносаралық келісім мен бірлікті нығайтуға ықпал етеді.

М. Н. Ташибеков мұндай сабақты өткізу жастардың Қазақстанның көпұлтты құрамы мен ҚХА қызметі туралы білімдерін кеңейтуге ықпал ететінін атап өтті. Студенттер елдің тұрақтылығы мен өркендеуі үшін этносаралық келісімнің маңыздылығын түсінді, мәдени әртүрлілікті құрметтеуге және бағалауға үйренді. Өз Отанына деген мақтаныш сезімін қалыптастыру және бейбітшілік пен келісімді сақтаудағы өз рөлін түсіну - осы іс-шараның негізгі нәтижелері болып табылады.

Қорытындылай келе, Қазақстан халқы Ассамблеясы этносаралық келісімді нығайтуға, мәдени мұраны сақтауға және Қазақстанда азаматтық қоғамды дамытуға ықпал ететін маңызды институт болып табылады. Оның қызметі этникалық әртүрлілікті қалай тиімді басқаруға және көпұлтты мемлекетте тұрақтылық пен өркендеуді қамтамасыз етуге болатындығының мысалы болып табылады.