«Ғылым, бизнес және өндіріс интеграциясы» форумы өтті

2 сәуір 2025 жылы әл-Фараби атындағы Қазақ ұлттық университетінде Алматы қаласы әкімдігінің қолдауымен «Ғылым, бизнес және өндіріс интеграциясы» атты форум өтті. Бұл шара ғылым, бизнес және өндіріс өкілдерінің өзара ынтымақтастығын нығайтуға бағытталған.

Форумға Алматы қаласының әкімі Ерболат Досаев, ҚазҰУ ректоры Жансейіт Түймебаев, жетекші ғалымдар, бизнес өкілдері және өнеркәсіптік кәсіпорындардың басшылары қатысты.

Форум қонақтары ҚазҰУ-дың инновациялық алаңы Farabi Hub орталығын аралап, ғылыми жобалармен танысты.

ҚазҰУ ректоры Жансейіт Түймебаев пен Алматы қаласының әкімі Ерболат Досаев форумның маңыздылығын атап өтіп, ғылым мен бизнестің бірлескен жобалары қаланың экономикалық және инновациялық дамуына серпін беретінін жеткізді.

Іс-шара аясында бірқатар серіктестік келісімдерге қол қойылды, оның ішінде: Astana Motors-Manufacturing Kazakhstan, Dragon Lakshme Group KZ, Линьи Цзинь Люхуань машиналары өндірісі компаниялары.

Сонымен қатар, форумға Тұрақты даму бойынша ЮНЕСКО кафедрасының жұмыс берушілері де қатысты, атап айтқанда "ЭКОСЕРВИС-С" ЖШС басшысы Аскаров Сейлхан Акказинович, "Қазселденқорғау"ММ Алматы басқармасы төтенше жағдайдың алдын алу бөлімінің басшысы Тоқтасын Әлішер Жеңісұлы.
Іс-шара соңында қатысушылар ғылым, бизнес және өндіріс арасындағы ынтымақтастықты нығайту бойынша ұсыныстар әзірледі.

Форум қатысушылары ғылым мен бизнестің өзара әрекеттесуін одан әрі дамыту қажеттігін және қазақстандық өндірістің инновациялық шешімдерге көшуін қолдауға дайын екендіктерін жеткізді.