Тағылымдамадан түйгеніміз көп

Халықаралық тағылымдама жас ғалымдар мен зерттеушілерге кәсіби тұрғыда көптеген мүмкіндіктер береді. Түрлі елдердің ғалымдарымен белсенді білім мен тәжірибе алмасуға ықпал етеді.

Осы тұрғыда біз, журна­лис­­ти­ка факультетінің «8D03201-Жур­на­листика» және «8D03202-Медиа және ком­муникациялар» білім беру бағдарламасының 1-курс док­то­ранттары Бауыр­жан Әліқожа, Назкен Жан­се­рікова және Алмабек Ибрайы­мов бекітілген жоспарымызға сәйкес, тағы­лым­дамадан өту үшін 2025 жыл­дың 1 ма­мы­ры­нан 1 мау­сы­мы аралығында Түр­­кияның Анкара Хажы Бай­рам Вели университетіне келдік.

Анкара Хажы Байрам Вели университеті – Түркияда өнер, әлеуметтік және гуманитарлық бағытта маман даярлайтын көшбасшы жоғары оқу орны. Университет 2018 жылы Гази университетінен бөлініп шық­қан.

Шетелдік жетекшілеріміз – аталған оқу орнының комму­ни­кация факультеті Радио, теле­ви­зия және кино кафедрасының профессоры Мехмет Топлу және Закир Авшар. Ғылыми же­тек­шілер теориялық білімімізге тың ақпараттар қосқанын айта кеткіміз келеді. Олар медиа зерттеулері мен жаңа медиа кеңістікте оқу құралдары бар теоретик және практик ға­лым­дар.

Тағылымдама барысында біз екі профессордың дәрісте­рі­нен бөлек, Анкара Хажы Бай­рам Вели университетінің оқу кампустарын, кітапханаларын араладық. Анкарадағы ЖОО арасында радио тарату бо­йынша жарыста Радио, теле­ви­зия және кино кафедрасы бірнеше рет жеңімпаз атанған. Группаласымыз Назкен Жан­се­рікованың «Шалқар» ра­дио­сын­да диктор болып жұмыс істейтінін естіп, факультеттің оқы­тушы-профессорлар құра­мы қолқа салып, Назкен ті­ке­лей эфир мен таспа хабардың айырмашылығы туралы, со­нымен қатар мәтін жазу ма­шы­ғына қатысты кеңесімен бө­лісті. Факультет мұрағатына Наз­кен Жансерікованың дауы­сын жазып алды. Осылайша екі елдің университеттері ара­сын­да ғылыми байланыс бекіді.

Профессор Мехмет Топлу факультетті толық аралатып, болашақ теле және радио жур­налистердің дайындаған бағ­дар­ламаларын, басылым­дар­да­ғы жариялаған ма­қа­ла­лары мен жарнама және қо­ғам­мен байланыс саласының бо­лашақ түлектерімен таныс­тыр­ды.

Біздің тағылымдамадан өту­ге келген уақытымызды тиім­ді пайдалануға қос шет­елдік жетекші бекітілген жос­пар мен жоспардан тыс таныс­ты­рылым өткізді. Кітапханада бізге қажетті ашық дерек­көз­дермен жұмыс істеу, зерттеу жүргізу ерекшеліктері мен оның дизайны, ғылыми жұмыс жазу бойынша көптеген ақыл-кеңестерін беріп, ғылыми ба­ғы­тымызды атап көрсетті.

Профессор Закир Авшар мен Мехмет Топлуды сту­дент­тері өте қатты құрметтейтінін, жақсы көретінін байқадық. Әрі жетекшілеріміз біздің жағ­дайы­мыз­ды жиі-жиі сұрап, емен-жар­қын сұхбаттасу бол­ды.

Бізден бөлек, Ыстамбұл қа­ла­сында орналасқан Мармара университетінде тағылым­да­ма­дан өтіп жатқан Тұлпар Жә­нібек (2-курс) және Л.Гумилев атындағы ЕҰУ докторанты Ри­загүл Бәкенованы (2-курс) кез­дестірдік. 

Тағылымдама барысында дис­сертацияның ғылыми зерт­теу нысанынан бөлек, RTÜK-Radyo ve Televizyon Üst Kurulu (Радио және телеарна жоғары кеңесі) қарасты Strateji Geliş­tir­me Dairesi Başkanlığı (Стра­те­гия тағайындау депар­та­менті) маманы, PhD Ахмет Ака­лыннан теле және радио бағ­дарламаларының таралу ерекшеліктері туралы статис­ти­калық мәліметтермен та­ныс­ты. Одан бөлек, BTK- Bilgi Teknolojileri ve İletişim Kurumu (Ақпараттық технологиялар және байланыс басқармасы) сарапшысы, доцент Сүлейман Гунгормен кездесу өткізіп, ақ­парат таратудың жаңа ме­диа­дағы ерекшеліктері туралы тың ойларымен бөлісті.

Сондай-ақ Тұлпар Жәнібек докторанттарды «Anadolu Ajansı»-ге (АА) алып барды. Ол әлемге 13 тілде хабар тара­та­ды. Сонымен қатар жаңа­лық­тар бөлімінің менеджері Джей­хун Ализаде мен ағылшын жа­ңалықтар бас координаторы Сорвар Аламмен жолықтық. Кездесуде ақпарат агенттігі, жаңа медиада ақпарат тарату ерекшеліктері мен жауап­кер­шілігі туралы айтылды.

Ғылыми тағылымдаманың ал­ғашқы екі аптасы енді аяқ­тал­ғанымен, жеткен жетістік­те­ріміз де аз емес. Енді алдағы уақытта шетелдік жетек­ші­ле­ріміздің семинарларына қа­тысуды ары қарай жал­ғас­ты­рып, кітапханалардағы де­рекқормен жұмыс істейміз деп жоспарлап отырмыз.

Біздің ғылыми тағылым­да­ма­мызға дәл осындай мүм­кін­дік берген жетекшілеріміз – Баспасөз және электронды БАҚ кафедрасының профес­со­ры, ф.ғ.д. Кәкен Қамзинге, Бас­пагерлік-редакторлық және ди­зайнерлік өнер кафедра­сы­ның аға оқытушысы, ф.ғ.к. Аязби Бейсенқұловқа, жур­на­листика факультетінің де­каны Қанат Әуесбайұлына және Әл-Фараби атындағы ҚазҰУ  бас­шы­лығына алғысымызды біл­діреміз.

Алмабек ИБРАЙЫМОВ,

Назкен ЖАНСЕРІКОВА,

журналистика факультетінің

«Медиа және коммуникациялар» мамандығының 1-курс докторанттары