ҚазҰУ-дың Жасанды интеллект және Big Data кафедрасының IEEE IMS Summer School 2025 халықаралық жазғы мектебіне қатысуы

2025 жылғы 16 маусымда Лиссабон қаласындағы ISCTE университетінің жанындағы Телекоммуникациялар ғылыми-зерттеу институтында белсенді ұзақ өмір сүру мен қашықтан денсаулық сақтауға арналған цифрлық шешімдерге арналған "Smart Systems for Ambient Assisted Living (AAL)" тақырыбындағы IEEE IMS Summer School 2025 халықаралық жазғы мектебі өтті.

Аль-Фараби атындағы Қазақ ұлттық университеті атынан келесі қатысушылар баяндама жасады:

• Мадина Мансурова, Жасанды интеллект және Big Data кафедрасының меңгерушісі — денсаулық сақтау саласындағы трансформация мен цифрлық экономика үшін кадр даярлауда жасанды интеллект пен үлкен деректер талдауының рөлі туралы баяндама жасады;

• Талшын Сарсембаева, кафедра меңгерушісінің ғылыми-инновациялық жұмыстар жөніндегі орынбасары — ҚазҰУ-дың пәнаралық білім беру бағдарламаларын және оқыту үдерісінде цифрлық шешімдерді енгізу тәжірибесімен бөлісті.

Делегация құрамына "Бизнес-аналитика және Big Data" білім беру бағдарламасының 5 магистранты және AAL (Ambient Assisted Living) саласындағы жобалар мен шешімдерді талқылауға белсенді қатысқан ғылыми жобалардың кіші ғылыми қызметкерлері енді.

Жазғы мектепке Еуропа мен Орталық Азияның университеттері мен зерттеу институттарынан өкілдер қатысты. Талқылаудың негізгі тақырыптары:

• халықтың қартаюы және денсаулық сақтау жүйесінің алдында тұрған сын-қатерлер;

• денсаулық пен өмір сүру ортасын бақылауға арналған цифрлық және сенсорлық технологиялар;

• ақылды балдақтар мен жүргіншектер, виртуалды және аралас шынайылық, киілетін құрылғылар, инфрақызыл термография, сондай-ақ медицинадағы ЖИ мен IoT технологияларын қолдана отырып оңалту.

Кафедраның жазғы мектепке қатысуы ҚазҰУ-дың цифрлық технологиялар мен білім беру саласындағы тәжірибесін таныстыруға, еуропалық әріптестермен академиялық ынтымақтастық орнатуға, сондай-ақ студенттерді заманауи ғылыми талқылауға тартуға мүмкіндік берді.