Кітап – ұлттың рухани байлығы

«Озық ойлы ұлт болудың төте жолы – кітап оқу» деп Мем­лекет басшысы Қасым-Жомарт Тоқаев Ұлттық құрылтайдың ІІІ отырысында Ұлттық кітап күнін белгілеу туралы тапсырма берген еді. Алматы қаласының кітапхана басшылары мен қызметкерлері бұл күнді ерекше түрде атап өтуге және құнды іс-шараларды ұйымдастыруға атсалысты.

Қазақстан Республика­сы­ның Ұлттық кітапханасында 10 түрлі маңызды шаралар мен «Қа­ла оқиды» атты флешмоб өтіп, кітап жәрмеңкелері ұйым­­дас­тырылды. Сондай-ақ кітап­сүйер қауым шетел жазу­шы­ла­ры­мен жүздесіп, Рес­­пуб­ликалық жастар конвентіне қа­тысуға мүмкіндік алды. Осы аталған конвентке ғылыми жобаларымен кафедраның «Кі­­­тапханалық ақпараттық жүйе­­лер» білім беру бағдар­ла­ма­сы­ның студенттері, ма­гис­транттары және докторанттары да қатысты.

Ұлттық кітап күні болып атау берілуі бүгінгі өскелең ұр­пақ үшін, ғаламтор мен әлеу­мет­тік желілерде телмірген жастарды кітап оқу мәдениетін арттыруға, сауаттылыққа же­те­лейтін, орынды мереке­лер­дің қатарында болатыны сөз­сіз. Кітап арқылы тәрбиелеп, мәдениетімізді, тарихымызды терең ұғындыруға апаратын ұлы жол.

ҚР Ұлттық кітапха­насын­да­ғы мәдениетіміз бен тарих­ы­мызды ұлықтайтын маңызды іс-шараның бірі «Қазақ кіта­бы­ның сырлы шежіресі» деп аталған кітап көрмесі болды. Көр­менің мазмұнынан ұлт та­рихынан сыр шертетін, тағы­лы­мы мол туындылар кездесті. Қазақ халқы кітабының тарихы 1807 жылдан бастау алғанын ҚР Ұлттық кітапханасының си­рек кездесетін кітаптар мен қолжазбалар қорында 1900-ден астам атаулы кітаптардың мазмұнымен кітапхана қыз­мет­керлері таныстырды.

Сондай-ақ мәдени мереке шеңберінде отандық баспалар мен кітап дүкендерінің қа­ты­суы­мен түрлі кітап жәрмең­ке­лері де көздің жауын алды. Бұл кітап нарығындағы баспа­гер­лерді, ақын-жазушыларды бі­рік­тіріп, қазақстандық баспа­лар­мен тығыз байланыс ор­на­туға себеп болды. Отандық автор­лар­дың шығармалары мен жаңа туындылары кітапсүйер қауы­мның назарына ұсы­ныл­ды.

«Кітап – руханият мәйегі бол­са, ал кітапхана – руха­ният­­тың ордасына» айналған ме­кемелерде рухани құн­ды­лы­ғы терең шаралар көптеп ұйымдастырылды.

«Кешегі шәкірт – бүгінгі бі­лік­ті маман» демекші, кітапхана бөлімдерінен 2021 жылғы «Кі­тапхана ісі» мамандығын аяқ­та­ған шәкірттерімді кездес­тір­дім. Кітапхананы жаңа қырынан таныту, заман ағымына сәйкес түрлі іс-шараларды ұйым­дас­ты­ру, кітапхананың заманауи келбетін қалыптастыру жастар қолында. Бұл күннің ұлттық деңгейде мерекеге ұласуы бар­лық кітапсүйер қауым мен жанашырларын қуантты. Осы шараны ұйымдастыруға бас­тама көтерген Бөріхан Нұр­м­ұ­хамедов пен Айдос Сарымды атап өткен жөн.

Әлемдегі ең көп кітап оқи­тын мемлекетке айналу үшін біраз еңбектену мен күш-жігер жұмсауды қажет етеді. Өйткені кітапхана саласында шешіл­ме­ген мәселе өте көп. Олар: ма­ман кадрлардың жетіспеу­ші­лігі, кітап қорын сапалы әде­биет­термен толықтыру, ма­ман кадрларды оқытуда оқу құрал­да­рының тапшылығы, кітап­ха­на қызметкерлері жа­ла­қы­­сы­ның төмен болуы, кі­тап­­ха­на ғи­мараттарын өңдеу, жөн­деу т.б.

Кітап оқуды насихаттау және жаңа технологияны мең­геріп, кітапханадағы бөлім қыз­меттерін түрлендіру, жүзе­ге асыру – кітапханашы маман­дар­дың басты міндеттерінің бірі. Жоғарыда аталған мәсе­ле­лердің шешімдерін табуға, кітапхана кадрларын даярлау мен кітапханашы мамандардың беделін арттыруда бүгінгі күні кітапхана саласы мемлекет тарапынан қолдауды қажет ете­ді.

Назгүл ДЕҢГЕЛБАЕВА,

 Дүниежүзі тарихы және деректану кафедрасы «Кітапханалық ақпараттық жүйелер» білім беру бағдарламасының 1-курс докторанты