Ішкі медицина кафедрасы 2024 жылы «Әл-Фараби атындағы ҚазҰУ» КеАҚ-ның директорлар кеңесінің отырысының шешімімен, «Әл-Фараби атындағы ҚазҰУ» Жарғысының 27пп-ның 71 тармағына сәйкес ұйымдастырылды. Кафедра меңгерушісі - медицина ғылымдарының кандидаты, доцент Садыкова Шолпан Сауатбековна. Кафедра ұжымы қызметтердің барлық салаларында: оқу-әдістемелік, ғылыми-зерттеу және денсаулық сақтау саласында белсенді жұмыс істейді.

Ішкі медицина кафедрасы «Жалпы медицина», «Медицина» және «Стоматология» білім беру бағдарламалары аясында бакалавриат студенттерін «Мамандыққа кіріспе», «Науқас және дәрігер», «Тыныс алу жүйесінің патологиясы», «Жүрек-тамыр жүйесі патологиясы», «Қан түзу жүйесінің патологиясы және трансфузиология», «Зәр шығару жүйесінің патологиясы және гомеостаз», «Эндокриндік жүйенің патологиясы және метаболизм», «Асқорыту жүйесінің патологиясы», «Тірек-қимыл аппаратының және терінің патологиясы», «Ішкі аурулар», «Кешенді клиникалық диагностика курсы», «Дәрігер- стоматологқа ішкі медицина» пәндерін жүргізеді.

Кафедра Қазақстан Республикасы Ғылым және жоғары білім министрлігі  гранттары бойынша ғылыми-зерттеу жұмыстарын жүргізеді:

1. AP14870934 «Өкпенің созылмалы обструктивті ауруларының генетикалық, иммундық және шырышты предикторларын зерттеу, оның диагностикасы мен алдын алудың жаңа әдістерін әзірлеу және енгізу»

2. AP19677754 «Ерте жүрек-қан тамырлары қартаюын анықтау және алдын алу үшін маркерлер мен диагностикалық алгоритмді әзірлеу»

3. AP19675905 «SARS-CoV2 инфекциясынан кейінгі жұқпалы және аутоиммунды аурулардың иммунопатологиясының иммуногенетикалық және клиникалық предикторларын зерттеу»

2024-2025 оқу жылында беделді ғылыми ақпарат базаларында (Web of Science, Scopus, Springer) индекстелген халықаралық рецензияланған ғылыми журналдарда (Scopus деректер базасында 6 мақала, оның ішінде Q1-2, Q2-1, Q3-2, Q4-1), сондай-ақ Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті базасында жарияланды, сондай-ақ халықаралық және республикалық ғылыми конференцияларда баяндамалар жасалынды.

Кафедра қызметкерлері клиникалық мамандықтарды да, оқытушылық шеберлікті де зерделеу арқылы өздерінің кәсіби құзыреттілігін үнемі жетілдіріп отырады.