Қытайтану кафедрасында «The Influence of Loanwords on the Teaching of Lexical Aspects of Speech» тақырыбында ғылыми семинар өткізілді

2025 жылдың 18 қарашасында әл-Фараби атындағы Қазақ ұлттық университетінің Шығыстану факультеті Қытайтану кафедрасында «The Influence of Loanwords on the Teaching of Lexical Aspects of Speech» тақырыбында ғылыми семинар өтті. Іс-шара қытайтану кафедрасы тарапынан 8D02305 Шетел филологиясы (шығыс тілдері) мамандығының 2-курс докторанты Пак Раисаның зерттеу жұмысы аясында ұйымдастырылды.

Ғылыми семинар барысында төмендегі мәселелер талқыланды:

• Қарыз сөздердің ұғымы және олардың тілдегі рөлі
• Қазақ, орыс және қытай тілдеріндегі қарыз сөздердің прагматикалық аспектілері
• Актуалды мысалдар мен талдау

Семинар барысында қатысушылар қарыз сөздердің қытай тілі мен мәдениетіне қалай әсер ететініне қатысты әртүрлі аспектілермен танысты. Кафедра оқытушылары мен докторанттардың қатысуымен пікірталас өткізіліп, семинар қорытындысы бойынша бұл бағыттағы зерттеулерді жалғастыру туралы шешім қабылданды.