Тәуелсіз Қазақстанның өмірінде ерекше тарихи маңызы бар оқиғаларды еске алу үшін белгіленген атаулы күндер бар. Солардың бірі – ұлттық валюта - Теңге күні. 2025 жылғы 18 қараша күні әл-Фараби атындағы ҚазҰУ жоғары оқу орнына дейінгі білім беру факультетінің шетелдіктерді тілдік және жалпы білім беру дайындығы кафедрасында ҚР Ұлттық валютасын енгізудің 32 жылдығына арналған тәрбие іс-шарасы өткізілді.
Өзіміздің қазақстандық валютамызды енгізу туралы шешім мемлекетіміздің тарихындағы шешуші сәт және экономиканы дамытудың жаңа кезеңіне көшу болды. Осындай маңызды оқиғаны атап өтіп, біз өзіміздің ұлттық валютамыздың енгізілуі жас қазақстандық мемлекеттіліктің қалыптасуы мен дамуына айтарлықтай әсер еткенін түсінеміз. Теңгені енгізу нақты тәуелсіздікке жету жолындағы маңызды қадамдардың бірі, ел тарихындағы жаңа тірек нүктесі болды.
Бүгін біз қазақстандық ақшаның шығу тегі, олардың тарихы туралы сирек ойлаймыз, ал біздің елге келген шетелдіктер бұл туралы мүлдем білмейді. Шетелдік тыңдаушыларының ұлттық валютаның тарихымен және енгізілуімен танысуы ТДМ 4-ке сәйкес келеді: "сапалы білім беру". Білім-адамның мүмкіндіктерін кеңейтетін негізгі құқықтарының бірі. Ол мәдениетаралық диалогқа ықпал етеді және әлеуметтік келісім мен әділеттілікке қол жеткізудің маңызды факторлары болып табылатын мәдени, діни және тілдік әртүрлілікке құрмет көрсетеді. Білім тұрақты дамудың барлық мақсаттарына қол жеткізуді жеделдете алады, сондықтан олардың әрқайсысына қол жеткізу стратегиясының элементі болуы керек.
ТДМ 4.7 міндеті: "орнықты даму және әлемдік азаматтық саласындағы білім беру" барлық оқушыларды БҰҰ мақсаттарына, оның ішінде орнықты даму және орнықты өмір салты мәселелері бойынша жәрдемдесу үшін қажетті біліммен қамтамасыз етуді, сондай-ақ мәдени әртүрліліктің құндылығын және мәдениеттің орнықты дамуға қосқан үлесін түсінуді көздейді. Мәдени әртүрлілікті құрметтеуге тәрбиелеу және тұрақты даму мақсаттарына жету үшін қажетті дағдыларды дамыту болашақ ұрпақты дайындаудың негізгі аспектілеріне айналады. Мұның бәрі шетелдіктердің Қазақстан туралы білімдерін жүйелеуге, жақсартуға және тереңдетуге ғана емес, сондай-ақ мемлекетіміздің әлемдік қоғамдастықтағы рөлі мен орнын көрсетуге мүмкіндік береді.
А. Қ.Ахмедова, Т.В.Құрманова
Әл-Фараби атындағы Қазақ ұлттық университетінің
жоғары оқу орнына дейінгі білім беру факультетінің
шетелдіктердің тілдік және жалпы білім беру
дайындығы кафедрасының аға оқытушылары
Басқа жаңалықтар
