Farabi GreenCampus: Экологиялық форумындағы Гран-при

«Таза Қазақстан» республикалық экологиялық акциясы аясында өткен «Farabi GreenCampus: таза университет» жастар форумында біздің факультет студенттерінің жетістігі ерекше атап өтілді. Форум бағдарламасы бойынша студенттер әр факультеттен ұсынылған үздік экологиялық жобаларды қорғап, таныстырылымдар жасады.

Физика-техникалық факультетінен жылуфизика және техникалық физика кафедрасының 8 студенті қатысып, экологиялық мәдениетті дамытуға бағытталған өз бастамаларын ұсынды.
Форумның қорытындысында Гран-при жүлдесі «6В07112–Теплоэнергетика» білім беру бағдарламасының 4-курс студенті Сембиев Айболатқа берілді. Ол «Экокампус» тақырыбындағы мазмұнды баяндамасы мен шығармашылық видеоролигі арқылы қазылар алқасының жоғары бағасына ие болды.

Бұл жеңіс студенттердің тұрақты даму, экологиялық сананы қалыптастыру және ресурстарды тиімді пайдалану саласына қосқан үлесін көрсетеді. Жоба мазмұны ЦУР 4 «Сапалы білім», ЦУР 11 «Тұрақты қалалар мен қауымдастықтар», ЦУР 12 «Жауапты тұтыну және өндіру» мақсаттарымен үйлеседі.

Біз жас зерттеушілерді қолдап, олардың экобастамаларын жоғары деңгейде бағалағаны үшін әл-Фараби атындағы ҚазҰУ Басқарма төрағасы – ректор Жансейіт Түймебаевқа шынайы алғыс білдіреміз.