Әл-Фараби атындағы ҚазҰУ биомузейіне экскурсия

2015 жылы БҰҰ Бас Ассамблеясы қабылдаған «баршаға арналған неғұрлым жақсы және тұрақты болашаққа қол жеткізу жоспары» болып табылатын Тұрақты даму мақсаттары біздің университеттің тәрбие жұмысында маңызды бағдарға айналды. Оқытушылар студенттерінде үйлесімді тұлға қасиеттерін қалыптастыру мақсатында белгілі бір ТДМ бағыттарын басшылыққа алады. Сондықтан ТДМ №13 – климаттың өзгеруімен күрес, №14 – теңіз экожүйелерін сақтау және №15 – құрлық экожүйелерін сақтау бағдармалары аясында шетелдік студенттер тілдік және жалпы білім беру дайындық кафедрасының эдвайзерлерімен бірге Қазақстан табиғатының биомұражайына экскурсияға барды. Әл-Фараби атындағы ҚазҰУ-де бірнеше қызықты әрі танымды мұражайлар бар, солардың бірі – биология факультетіндегі биомузей.

Бұл мұражай Қазақстан Республикасының флорасы мен фаунасын, биотоптар мен экожүйелердің биоалуантүрлілігін, табиғи аймақтарды танытатын сирек экспонаттардың үлкен қорына ие. Органикалық дүниенің эволюциясы, табиғатты қорғау, жануарлар мен өсімдіктер дүниесінің систематикасы бөлімдері көрнекі диорамалар, стендтер және карталар арқылы ұсынылған. Мұнда омыртқалы жануарлардың әртүрлі экзотикалық түрлерінің тұлыптарын көруге болады. Мұражайдың кіреберісінде бізді туран немесе каспий жолбарысының ерекше экспозиция қарсы алады. Биомұражайда сондай-ақ Шарын каньонының «Іле» түйеқұсының макеті, Қазақстанға ғана тән эндемик – селевиния көрсетілген. Бұл кеміргіш тек қана қазақстандық шөлдерде кездеседі және Қазақстанның Қызыл кітабына енген. Дәл осы жануар биомұражай эмблемасында бейнеленген. Мұражайда көптеген қызықты диорамалар бар, олардың ішінде түрлі ландшафт диорамалары – тоғайлы орман, шөлейт, тау аймақтары. Бұл диорамалар табиғаттың шынайы көрінісін толық жеткізеді. Сондай-ақ музейде Пржевальский жылқысының тұлыбы бар – бүгінде сақталып қалған жалғыз жабайы жылқы түрі. Бұл жойылып бара жатқан жануар Қазақстанның Қызыл кітабына кіреді.

Орыс тілін үйреніп жүрген біздің студенттер мұражай нұсқаушы қызметкерінің әңгімесін зор қызығушылықпен тыңдады. Олар жаңа сөздер мен терминдерді жазып алып, өз ана тіліне аударып отырды, экскурсоводқа сұрақтар қойды. Енді олардың сөздік қоры жаңа лексикамен толықты, және олар мұражайда көргендері мен алған пайдалы әрі қызықты ақпарат туралы өз сөзімен айта алады.

Әл-Фараби атындағы ҚазҰУ-дың довузовтық білім беру факультеті
шетелдік студенттердің тілдік және жалпы білім беру дайындығы кафедрасының оқытушылары
Төребекова Р.С. және Мамытбекова Л.К.