ТДМ 4 – Сапалы білім: жаһандық құқықтық сананы қалыптастырудағы өнердің рөлі

Филология факультеті орыс филологиясы және әлем әдебиеті кафедрасының доценті Ахметжанова Айнаш Ильясовна және заң факультетінің студенттері жаһандану үдерістері мен әлемдік мәдени үрдістерді зерттеу аясында Алматы арт-музейіне барды.

2025 жылдың 19 қарашасында заң факультетінің «Құқықтану» мамандығының студенттері оқу-ағартушылық мақсатта Алматы арт-музейіне барды. Іс-шараның мақсаты – кәсіби ой-өрісті кеңейту және қазіргі әлеуметтік, құқықтық және мәдени үдерістерді ғаламдық тұрғыда қабылдау қабілетін дамыту болды.

Сапар барысында студенттер жаһандану контексінде әлемдік өнердің дамуын көрсететін өзекті арт-экспозициялармен танысты. Әсіресе, көркем тәжірибелердің қоғамдағы өзгерістерді, жаңа құндылықтардың қалыптасуын және жаһандық мәдени ағымдардың ықпалы нәтижесіндегі трансформацияларды қалай бейнелейтініне ерекше назар аударылды.

А.И. Ахметжанова, орыс филологиясы және әлем әдебиеті кафедрасының доценті