«ЗЕРДЕ» РЕСПУБЛИКАЛЫҚ ҒЫЛЫМИ ЖОБА БАЙҚАУЫ

2025 жылдың 25 қараша күні Алматы облысының Білім басқармасы мемлекеттік мекемесі «Жас дарын» орталығының ұйымдастыруымен Абай атындағы Алматы облыстық мамандандырылған мектеп-интернатында «Зерде» республикалық зерттеу жоба байқауының облыстық кезеңі өтті. Байқаудың мақсаты – дарынды оқушылардың ғылыми жобаларын бағалап, жеңімпаздарды анықтап, оларды марапаттау. Жоғары орынды иеленген оқушыларды Республикалық ғылыми жоба байқауына қатысуға жолдама беру.

 Осы ғылыми жобаны қорғау жұмыстарына қазылар алқасында қазылық жасаған Әл-Фараби атындағы ҚазҰУ-дың филология факультеті А. Байтұрсынұлы атындағы Қазақ тіл білімі кафедрасының оқытушылары Ә. Әміров, К.Күркебаев, Ш.Рамазанова қазақ тілі пәндік секциясы бойынша оқушылардың ғылыми жұмыстарын тыңдап, әділ бағалап, бағыт-бағдар берді. Ғылыми жұмысты жоғары деңгейде қорғаған оқушыларға сәттілік тілеп, университетімізге оқуға шақырдық.

 Алматы облысының Білім басқармасы мемлекеттік мекемесі «Жас дарын» орталығына шығармашылық табыс тілейміз!