«Лайықты еңбек және экономикалық өсу» мақсатын іске асыру аясында өңірдегі еңбек қанауының заманауи тәуекелдеріне арналған ағартушылық іс-шара өткізді.

2025 жылғы 15 желтоқсанда халықаралық құқық кафедрасының оқытушысы Апенов С. М. БҰҰ-ның Тұрақты даму мақсаттарының №8 — «Лайықты еңбек және экономикалық өсу» мақсатын іске асыру аясында өңірдегі еңбек қанауының заманауи тәуекелдеріне арналған ағартушылық іс-шара өткізді.

Іс-шараның тақырыбы — «Мәжбүрлі еңбек пен адам саудасына қарсы іс-қимыл» — қатысушылардың еңбек қатынастары саласындағы ең өзекті қауіптер, мәжбүрлі еңбектің нысандары мен белгілері, сондай-ақ адам саудасының алдын алу және оған қарсы іс-қимыл тетіктері туралы құқықтық сауаттылығын арттыруға бағытталды.

Кездесу барысында адам құқықтарын қорғаудың халықаралық-құқықтық және ұлттық құралдары, еңбек қанауына байланысты қылмыстар үшін жауапкершілік, сондай-ақ тәуекелдерді дер кезінде анықтау және өз еңбек құқықтарын қорғау бойынша практикалық ұсынымдар қарастырылды.

Осындай іс-шараларды өткізу қоғамда құқықтық мәдениетті қалыптастыруға, жұмыспен қамту мәселелеріне жауапкершілікпен қарауды дамытуға және қазіргі қоғамда лайықты еңбек қағидаттарын нығайтуға ықпал етеді.

сSDG #SustainableDevelopment #THEImpact #KazNU #SDG_KazNU #SustainableKazNU

#SDG8: #SDG8 #DecentWork