ҚазҰУ-дың физика-техникалық факультетінің студенті ОИЯИ-дың халықаралық бағдарламасына өтті (ТДМ 4 және ТДМ 17)

Әл-Фараби атындағы Қазақ ұлттық университеті физика-техникалық факультетінің студенті, «Материалтану және жаңа материалдар технологиясы» білім беру бағдарламасы бойынша білім алушы, 4-курс түлегі Гульниса Тарвердиева конкурстық іріктеуден сәтті өтіп, Біріккен ядролық зерттеулер институты (ОИЯИ, Дубна қ.) базасында жүзеге асырылатын халықаралық білім беру бағдарламасының қатысушысы атанды.

Гульниса аталған бағдарламаға іріктеуден өткен Қазақстан Республикасынан жалғыз өкіл болып табылады. Бұл жетістік студенттің жеке академиялық табысы ғана емес, сонымен қатар ҚазҰУ-дың физика-техникалық факультеті үшін де маңызды көрсеткіш болып саналады.

Бағдарлама заманауи физика, ядролық және іргелес технологиялар саласында студенттер мен жас зерттеушілерді тереңдетіп даярлауға, сондай-ақ халықаралық ғылыми ынтымақтастықты дамытуға бағытталған. Бағдарламаға қатысу жетекші ғалымдардың басшылығымен халықаралық зерттеу ортасында білім алуды және ғылыми-зерттеу жұмыстарына қатысуды көздейді.

ҚазҰУ студентінің аталған халықаралық бағдарламаға қатысуы Біріккен Ұлттар Ұйымының Тұрақты даму мақсаттарын іске асыруға, атап айтқанда:

• ТДМ 4 — Сапалы білім, халықаралық білім беру және ғылыми бағдарламаларға қолжетімділікті кеңейту арқылы;

• ТДМ 17 — Тұрақты даму жолындағы әріптестік, халықаралық ғылыми ынтымақтастықты нығайту арқылы үлес қосады.

ҚазҰУ-дың физика-техникалық факультеті студенттердің халықаралық ғылыми-білім беру бастамаларына қатысуын жүйелі түрде қолдап, олардың кәсіби дамуына, академиялық ұтқырлығына және жаһандық ғылыми қауымдастыққа кірігуіне жағдай жасап келеді.

Аталған жетістік физика-техникалық факультетінде білім алушыларды даярлаудың жоғары деңгейін және факультеттің халықаралық білім беру мен ғылыми бағдарламаларға белсенді қатысуын айқындайды.