ТДМ 4 – Сапалы білім. Жасанды интеллект бағытындағы халықаралық ғылыми-практикалық кездесу. Жасанды интеллект және Big Data кафедрасы

Халықаралық ғылыми ынтымақтастық пен тәжірибе алмасуды дамыту аясында 2025 жылғы 27 қараша мен 2 желтоқсан аралығында Ақпараттық технологиялар және жасанды интеллект факультеті, Жасанды интеллект және Big Data кафедрасының ғалымдары мен студенттері Стамбул қаласындағы Бахчешехир университетінде өткен ғылыми-практикалық іс-шараларға қатысты. Іс-шаралар жасанды интеллект саласындағы заманауи ғылыми және қолданбалы бағыттарды қамтыды. Қатысушылар халықаралық академиялық ортада тәжірибе алмасуға мүмкіндік алды. Аталған кезеңде жасанды интеллект бойынша ғылыми-практикалық дәрістер өткізілді. Дәрістер барысында AI технологияларының өзекті мәселелері мен қолдану салалары талқыланды. Ғалымдар мен студенттер өздерінің кәсіби білімдерімен бөлісті. Шетелдік әріптестермен пікір алмасу ғылыми құзыреттілікті арттыруға ықпал етті. Іс-шаралар интерактивті форматта ұйымдастырылды. Бұл тәжірибе халықаралық ғылыми байланыстарды нығайтуға негіз қалады. Аталған сапар болашақта бірлескен ғылыми және білім беру жобаларын дамытуға мүмкіндік берді.