ИРН BR21882122 мегагрантының 4-қосалқы бағдарламасының қорытындылары: Тұрақты даму мақсаттарына қосқан үлесі

2026 жылғы 19 қаңтарда IRN BR21882122 мегагрантының «Жасыл өсім контексіндегі Батыс Қазақстан өңірінің табиғи-шаруашылық және әлеуметтік-экономикалық жүйелерінің тұрақты дамуы: кешенді талдау, тұжырымдама, болжамдық бағалар мен сценарийлер» тақырыбы аясындағы 4-қосалқы бағдарлама – «Өнеркәсіптік қызмет нәтижесінде Батыс Қазақстан өңірі топырақтарының улы химиялық заттармен ластануын бағалау» бойынша негізгі қатысушылардың қорытынды кездесуі өтті.

Кездесу жұмысына Базарбаева Т.А., Шимшиков Б.Е., Тукенова З.А., Мұқанова Г.А., Какимжанов Е.Х., Қырғызбай Қ.Т., Ошақбай А.А., Жуматаев С.М., Әлимұратқызы А. қатысты. Кездесу барысында қорытынды есептер мен мегагрантты іске асырудың негізгі мәселелері талқыланып, үш жылдық бірлескен ғылыми-зерттеу жұмысының нәтижелері қорытындыланды.

Қосалқы бағдарламаны іске асыру БҰҰ-ның Тұрақты даму мақсаттарына, атап айтқанда, ЦУР 12 «Жауапты тұтыну және өндіріс» және ЦУР 15 «Құрлық экожүйелерін сақтау» мақсаттарына ғылыми негізделген топырақ жағдайы мен антропогендік жүктеме туралы деректер алу арқылы үлес қосты.

Кездесу соңында барлық қатысушыларға осы жоба аясында жарық көрген «Өнеркәсіптік қызмет нәтижесінде Батыс Қазақстан өңірінің топырақ жамылғысының ауыр металдармен және мұнай өнімдерімен ластануын бағалау» атты монография табысталды. Жоба орындаушылары жобаның алға қойылған мақсаттарына қол жеткізуге қосқан елеулі үлесі, ғылыми өзара іс-қимылдың жоғары деңгейі және жемісті ынтымақтастығы үшін басшылыққа және сегіз ғылыми топтың барлық қатысушыларына шынайы алғыстарын білдірді.