Шанхай университетінің өкілдерімен кездесу: бірлескен білім беру бағдарламасы бойынша ынтымақтастықтың басталуы

2026 жылғы 3 ақпанда әл-Фараби атындағы Қазақ ұлттық университетінде Шанхай университетінің делегациясымен ресми кездесу өтті. Кездесудің негізгі мақсаты – халықаралық академиялық ынтымақтастықты дамыту және бірлескен білім беру бағдарламасын іске қосу.

Сапар аясында кампус-тур ұйымдастырылып, университет басшылығы деңгейінде ресми келіссөздер жүргізілді, сондай-ақ Экономика және бизнес жоғары мектебі базасында бірлескен білім беру бағдарламасының мазмұндық параметрлерін талқылауға арналған жұмыс кездесулері өтті.

Әл-Фараби атындағы ҚазҰУ тарапынан кездесуге келесі өкілдер қатысты:

• Галеева А.К. – Басқарма мүшесі, Академиялық мәселелер жөніндегі проректор;

• Рахимбаева Б.К. – Академиялық мәселелер жөніндегі директор;

• Әбдіғали Н.Ә. – Интернационалдандыру және рекрутинг директоры;

• Алдабергенов Н.Ш. – Бәсекелестік және баға саясаты орталығының директоры;

• Абдиман Ж.О. – Халықаралық ынтымақтастық департаменті директорының орынбасары;

• Ермекова Ж.Ж. – Экономика және бизнес жоғары мектебінің деканы;

• Сартова Р.Б. – «Қаржы және есеп» кафедрасының меңгерушісі;

• Смагулова Г.С. – "Менеджмент" кафедрасының меңгерушісі;

• Даулиева Г.Р. – "Экономика" кафедрасының меңгерушісі;

• Ахметова З.Б. – "Бизнес және технологиялар" кафедрасының меңгерушісі;

• Нұрғазы Ш.Ә. – ЭжБЖ мектебі деканның ғылыми-инновациялық жұмыс және халықаралық байланыстар жөніндегі орынбасары;

• Боранбаева А.К. – «Қаржы және есеп» кафедрасының аға оқытушысы, PhD.

Шанхай университеті тарапынан кездесуге қатысқандар:

• Cui Wei – Халықаралық ынтымақтастық департаментінің директоры;

• Zhen Lu – Менеджмент мектебі мен MBA Center деканы;

• Yao Jiacen – MBA Center жанындағы International & Corporate Office жетекшісі;

• Li Shiqi – International & Corporate Office халықаралық қабылдау менеджері.

Кездесу қорытындысы бойынша тараптар тығыз ынтымақтастықты бастау және бірлескен білім беру бағдарламасын практикалық тұрғыда әзірлеу жөнінде уағдаласты. Атап айтқанда, академиялық ұтқырлық, оқу жоспарларын келісу және профессор-оқытушылар құрамының бағдарламаны іске асыруға қатысу мәселелері талқыланды.

Аталған кездесу әл-Фараби атындағы ҚазҰУ-дың халықаралық байланыстарын нығайтуға және университеттің жаһандық білім беру кеңістігіндегі позициясын кеңейтуге маңызды қадам болды.