Заң және әлеуметтік желілер: сөз бостандығы, кибербуллинг

2026 жылғы 25 ақпанда әл-Фараби атындағы Қазақ ұлттық университеті орыс филологиясы және әлем әдебиеті кафедрасының аға оқытушысы А. О. Оспанның жетекшілігімен «Заң және әлеуметтік желілер: сөз бостандығы, кибербуллинг» тақырыбында кураторлық сағат өткізілді. Аталған іс-шараға «6В02312 - Шетел тілі ретінде орыс тілі» білім беру бағдарламасының 3-курс студенттері қатысты.

Іс-шара білім алушылардың құқықтық сауаттылық деңгейін арттыру, әлеуметтік желілерді пайдалану барысында жауапкершілікті қалыптастыру, кибербуллингтің және цифрлық ортадағы құқық бұзушылықтардың алдын алу мақсатында ұйымдастырылды.

Іс-шараның негізгі міндеттері:

• Сөз бостандығының құқықтық негіздерін түсіндіру;

• Интернет-коммуникация саласындағы Қазақстан Республикасының қолданыстағы заңнамасымен таныстыру;

• Кибербуллингтің құқықтық салдары туралы түсінік қалыптастыру;

• Интернет желісінде қауіпсіз әрі этикалық мінез-құлық дағдыларын дамыту.

Іс-шара барысында сөз бостандығының құқықтық реттелуі, оның Қазақстан Республикасының Конституциясы бекітілуі, сондай-ақ қолданыстағы заңнамаға сәйкес оның шектері мен шектеулері қарастырылды.

Студенттерге интернет кеңістігінде жалған ақпарат тарату, жала жабу, қорлау және басқа да құқыққа қайшы әрекеттер үшін жауапкершілік нормалары Қазақстан Республикасының Қылмыстық кодексі және Қазақстан Республикасының Әкімшілік құқық бұзушылық туралы кодексі негізінде түсіндірілді.

Кибербуллинг ұғымына, оның түрлеріне, пайда болу себептеріне, сондай-ақ ықтимал психологиялық және құқықтық салдарына ерекше назар аударылды. Интернеттегі қысым көрсетуге байланысты типтік жағдайлар мен мұндай жағдайларды анықтау кезіндегі әрекет алгоритмдері қарастырылды.

Сонымен қатар сөз бостандығы мен құқықтық жауапкершіліктің арақатынасы мәселесі бойынша пікірталас ұйымдастырылды. Студенттер ұсынылған кейстерді талдап, құқық бұзушылық белгілерін анықтап, ықтимал жауапкершілік шараларын белгіледі.

Кураторлық сағат барысында білім алушылар талқыланған тақырыпқа қызығушылық танытып, пікір алмасуға және жағдаяттарды талдауға белсенді қатысты.

Іс-шараның мақсаттары мен міндеттері толық көлемде орындалды. Студенттер интернет-коммуникацияны құқықтық реттеу саласындағы білімдерін кеңейтіп, әлеуметтік желілерді пайдалану барысында заң нормалары мен этикалық талаптарды сақтаудың маңыздылығын түсінді.