Білім беруді цифрландыру жағдайындағы әл-Фарабидің педагогикалық тұжырымдамасының заманауи интерпретациясы

 2020 жылдың 12-13 ақпанында әл-Фараби атындағы Қазақ ұлттық университетінде «Білім беруді цифрландыру жағдайындағы әл-Фарабидің педагогикалық тұжырымдамасының заманауи интерпретациясы» атты 50-ші халықаралық ғылыми-әдістемелік конференция өтеді.

Конференция Әбу Насыр әл-Фарабидің 1150 жылдығын мерекелеу аясында өткізіледі. Конференция тақырыптарының өзектілігі ойшылдың шығармашылық мұрасынан туындайды, оны қоғамды ізгілендіру және демократияландыру идеялары тәрбиелеу мен білім беру тәсілдерімен жетілдіреді, сондықтан оның тұжырымдамасының педагогикалық және әдіснамалық негіздеріне бағдарлау қазіргі заман талаптарына сай келеді.

Конференция қарсаңында университеттің факультеттерінде жұмыс берушілермен білім беру бағдарламалары бойынша түлектің моделін (университет миссиясы, ҰБШ, СБШ, кәсіби стандарттар негізінде) құру бойынша кездесулер өтті.

Конференция қатысушылары пленарлық отырыста, мастер-кластар, секциялар, дөңгелек үстелдер, университет факультеттеріндегі пікірсайыс алаңдарында: қазіргі жағдайда университет түлегінің құзіреттілік моделі; білім беруді цифрландыру аясындағы университет оқытушысының құзіреттілік профилі; университет оқытушыларын аттестаттау және оқыту жүйесі; университет оқытушыларының педагогикалық қызметін ынталандыру механизмдері; оқу процесіндегі жаңа ақпараттық технологиялар; орта және жоғары білім берудегі өзара әрекеттесудің жаңа формалары жөнінде талқылайды.

Конференция жұмыстарына қатысушылар: 

Абишев Али Ажимович, ҚР университеттері қауымдастығының басқарма төрағасы, э.ғ.д., профессор;  

Томск мемлекеттік университеті – Светлана Борисовна Велединская, РФ үздіксіз білім беру және қайта даярлау орталығының директоры;

Спикерлер: Асель Мусагул – МФЦА бюросының Алматы  аймақтық бөлімінің бастығы; MSc, FRM, ERP, Кристина Кравцова, HILL International Консалтингтік компаниясының басқарушы серіктесі, Бейсембаев Гани Бектаевич– «EDTECH-KZ» Халықаралық білім беру орталығының бас директоры, Абишева Гульнара Абдрахмановна – Білім саласындағы сарапшылардың Қазақ лигасының вице-президенті, «KPI BILIM» білім орталығының бас директоры;

әл-Фараби атындағы ҚазҰУ профессор-оқытушылар құрамы; 

ҚР жоғары оқу орындары ашық білім берудің Ұлттық платформасының серіктестері;

білім саласындағы сарапшылардың Қазақ лигасының спикерлері, Алматы қаласының білім бөлімінің басшылары, орта мектеп директорлары.

 Іс-шараның қорытындылары бойынша заманауи жедел өзгеретін әлемде білім беру процесін одан әрі жетілдіруге бағытталған қарар мен ұсыныстар қабылданады.