Еңбекте қазақ халқының дәстүрлі дүниетанымындағы «бөрі», яғни қасқыр тотемімен байланысты халықтық білімдер жүйесі берілген. Материалдардың негізгі дені этноархеологиялық экспедициялар барысында жинақталған. Қазақ жеріндегі жартастағы қасқыр бейнесінің мағынасы талданған. Қасқыр аулаудың көне аңшылық әдістері, қақпан түрлері, қасқыр терісін илеу мен оны пайдалану берілген. Қазақ халқы қасқырдың дене мүшелерін этномедицинада қолданудың халықтық білімін игерген. Малды қасқыр тартудан қорғау мақсатында жасалатын ғұрыптар бүгінгі күні де қолданыста. Бөрінің батырлардың, бақсылардың иесі ретіндегі аңыз бейнесі де қамтылған.