"Тұрмыстық зорлық-зомбылықтың алдын алу" тақырыбындағы дөңгелек үстел

«Тұрмыстық зорлық-зомбылық профилактикасы туралы» Қазақстан Республикасының Заңында көрсетілгендей, тұрмыстық зорлық-зомбылық - отбасы-тұрмыстық қатынастар аясында бір адамның басқаға (басқаларға) қатысты дене зардабын және (немесе) психикалық зардап келтіретін немесе келтіру қаупі бар құқыққа қарсы қасақана әрекеті (іс-әрекеті немесе әрекетсіздігі). Тұрмыстық зорлық-зомбылықтың алдын алуға әлеуметтік, психологиялық, құқықтық және өзге де көмек көрсету, отбасы мүшелерін әлеуметтік оңалту, отбасындағы жанжалды жағдайларды шешуге жәрдемдесу, тұрмыстық зорлық-зомбылық жасаған отбасы мүшелерінің мінез-құлқына әлеуметтік бақылауды жүзеге асыру жөніндегі шаралар жүйесі арқылы қол жеткізіледі, зорлық-зомбылық құрбандарының отбасы мүшелерін баспанамен қамтамасыз ету. Кез келген адам зорлық-зомбылыққа ұшырауы мүмкін, бірақ зорлық-зомбылыққа отбасында әйелдер мен балалар жиі ұшырайды. Тұрмыстық зорлық-зомбылық физикалық, психологиялық, жыныстық және экономикалық зорлық-зомбылық түрінде болуы мүмкін. Күш көрсету зорлық-зомбылығы - дене күшін қолданып, денені ауыртып денсаулыққа қасақана зиян келтіру. Психологиялық зорлық-зомбылық - адамның психикасына қасақана әсер ету, оны қорқыту, қорлау, бопсалау немесе құқық бұзушылықтарды немесе өмірге немесе денсаулыққа қауіп төндіретін, сондай-ақ психикалық, дене және жеке басы дамуының бұзылуына әкелетін әрекеттерді жасауға мәжбүрлеу (еріксіз көндіру) арқылы ар-намысы мен абыройын кемсіту. Сексуалдық зорлық-зомбылық - адамның жыныстың тиіспеушілігіне немесе жыныстық еркіндігіне қауіп төндіретін құқыққа қарсы қасақана іс-әрекет, сондай-ақ кәмелетке толмағандарға қатысты сексуалдық сипаттағы іс-әрекеттер. Экономикалық зорлық-зомбылық - адамды заңмен көзделген құқығы бар тұрғын үйінен, тамағынан, киімінен, мүлкінен, қаражатынан қасақана айыру. 2023 жылдың 8 желтоқсанында заң факультетінде 16 ТДМ аясында, әл-Фараби атындағы ҚазҰУ-дың 90 жылдық мерейтойы қарсаңында «Тұрмыстық зорлық-зомбылықтың алдын алу» тақырыбында дөңгелек үстел өткізілді. Қылмыстық құқық, қылмыстық іс жүргізу және криминалистика кафедрасының ұйымдастыруымен Алматы, Шымкент қалаларының оқытушылары мен оқушылары және Алматы, Қызылорда қалаларындағы жоғары оқу орындарының профессорлық-оқытушылық құрамы мен студенттері, «Шапағат» студенттік еріктілер клубы, Қазақстан Республикасы Ішкі істер министрлігінің М.Есболатов атындағы Алматы академиясының 2 курс докторанттары, полиция подполковнигі Шәмшиева И.С. және Приходько И.С. қатысты. Алматы қаласы жұмыспен қамту және әлеуметтік бағдарламалар басқармасының «Тұрмыстық зорлық-зомбылық құрбандарына арналған дағдарыс орталығы» КММ директоры З.М.Байсакова баяндама жасады. Іс-шараның мақсаты – отбасы мүшелеріне қатысты зорлық-зомбылықтың алдын алу, бұл әйелдер де, балалар да, ер адамдар да болуы мүмкін, сондай-ақ агрессивті тұлға түрлерін анықтау, жәбірленушілерге де, қылмыс субъектілеріне де көмек көрсету.

As stated in the Law of the Republic of Kazakhstan “O