«ТҰРАҚТЫЛЫ ДАМУ ҮШІН СЕРІКТЕСТІК» 17-ші ТДМ аясында ДОНГУК УНИВЕРСИТЕТІНІҢ ПРОФЕССОРЫ ПАК СУН ХЕНГТЫҢ ДӘРІСІ

2024 жылдың 20 наурызында тұрақты даму мақсаттарын іске асыру шеңберінде Оңтүстік Кореяның Донгук университетінің профессоры Пак Сун Хенг «Жасанды интеллекттің басқару мәселелері мен даму перспективаларына сыни шолу» тақырыбында Шығыстану факультеті Қиыр Шығыс кафедрасының студенттеріне онлайн дәріс өткізді.

Қазіргі кезде профессор Пак Сун Хен Донгук университетінің Педагогикалық институтының деканы болып табылады және оның зерттеу аясы білім беру менеджменті мен білім беру саясатына негізделген. Дәріс барысында профессор жасанды интеллектті басқарудың заманауи мәселелерін талқылады, сонымен қатар жасанды интеллект алгоритмдері ақыр соңында билік мүдделері мен шектеулі ресурстарды бөлуді қалай анықтай алатынын талдап, зерттеу нәтижелерін ұсынды. Корейтану бөлімінің студенттері озық технологиялар әлеміне еніп, оның әлеуметтік және этикалық аспектілерін қарастырудың бірегей мүмкіндігіне ие болды.

Профессор барлық ықтимал артықшылықтарға қарамастан, шешім қабылдау процестері мен алгоритмдік AI ішкі механизмдері әлі де «қара жәшік» болып қала беретінін атап өтті. Дәріс барысында AI-нің практикалық пайдасы мен қолданылуының артықшылықтары мен шектеулерін сыни жүйелі талдау қажеттілігі, алгоритмдерді әзірлеудің ашықтығын арттыру үшін құқықтық және институционалдық ынталандыру және бақылау шараларын енгізу талқыланды. «AI билігі тарапынан адамның бақылауы мен үстемдігінің қазіргі әлемдік құрылымдық жағдайы саясаттану, білім беру саясаты және сыни теорияның перспективаларын пайдалана отырып, басқаруға пәнаралық көзқарасты талап етеді», - деп атап өтті профессор.

Профессор Пак Сун Хенгтің дәрісі студенттерге және жалпы қоғамға AI басқару мәселесін жаңа, сыни көзқараспен қарауға мүмкіндік беретін білім беру үдерісіндегі маңызды қадам болды. Қиыр Шығыс кафедрасы профессорға жасанды интеллектті басқарудағы танымдық дәріс пен пәнаралық тәсілді талдағаны үшін алғысын білдіреді, сонымен қатар студенттерімізді оқыту процесінде одан әрі ынтымақтастық пен шабыттандыратын идеялармен алмасуға үміттенеді.