“Әлем таныған Петөфи” атты ақпараттық көрме

2023 жылдың 7 қарашасында Алматы қаласында Венгрияның Бас Консулдығы Қазақ Ұлттық кітапханасымен бірлесе отырып, венгр ақынжазушысы Шандор Петөфидың (1823-1849) екі жүз жылдық мерейтойына байланысты “Әлем таныған Петөфи” атты ақпараттық көрме өткізді. Көрменің ресми ашылу рәсіміне Венгрияның Бас Консулы Ференц Блауманн, ҚР ҰК директоры Оспанова Бақытжамал Каирбековна қатысты. Сонымен қатар, әл-Фараби атындағы Қазақ ұлттық университетінің, халықаралық қатынастар факультетінің 2-ші курс студенттері куратор-эдвайзер Ж.Қ. Идрышеваның жетекшілігімен бұл көрме кешіне барған болатын. Студенттер венгр жазушысы Шандор Петөфидің еңбегімен танысып ғана қоймай, сонымен қатар, қазақ-венгр қатынастарының мәдени саласындағы байланысы туралы білімдерін толықтырды. Көрменің ашылуынан кейін, қонақтар Ұлттық Кітапхананын кинозалында Бас Консулмен бірге венгрлік кино туындысын тамашалап, жақсы әсермен қайтты.