Студенттер Сейсмология институтында тәжірибеден өтуде

Тұрақты даму мақсаттарының «Лайықты жұмыс және экономикалық өсу» атты 8-тармағына сәйкес, биылғы оқу жылының күзгі семестрінде Сейс­мо­ло­гия институтының мамандары «Табиғи-техно­ген­дік қауіп-қатерлер» және «Қоршаған ортаны қор­ғау және өмір тіршілігінің қауіпсіздігі» маман­ды­ғының студенттерімен кездесу өткізіп, инсти­тут­тан өндірістік тәжірибеден өтуге шақырған бо­латын. Осыған сәйкес, 2-курстың «Та­биғи-техногендік қауіп-қатерлер» мамандығының бес студенті аталған мекемеде тәжірибеден өтуде.

Сейсмология институ­тын­да тәжірибеден өту сту­дент­тер­ге сейсмология сала­сын­да практикалық дағдыларды меңгеруге, сондай-ақ қазіргі зерттеулер, технология­лар­мен танысуға бірегей мүм­кін­дік екені рас. Тәжірибе ба­ры­сында студенттерге сейс­­мографтардың алуан түр­лері, олардың жұмыс іс­теу принципі және қондыр­ғы­ла­рымен таныстыруда. Сейс­мографтарды орнату және техникалық қызмет көрсету бойынша дала жұмыстарына қатысу, сейсмикалық бел­сен­ділік туралы мәліметтер берілуде. Сонымен қатар сейс­микалық мәліметтерді тал­дау, жер сілкінісі пара­ме­тр­лерін анықтау, шуды сүзу, сиг­налды алу үшін бағ­дар­ла­малық қамтамасыз етуді зерт­теуге қатысты тапсыр­ма­ларды арнайы маман­дар­мен бірлесіп атқаруда.

Геологиялық жағдай­лар­дың сейсмикалық толқын­дар­дың таралуына әсерін зерт­теу, ғимараттар мен құ­ры­лыстардың сейсмикалық тұрақтылығын анықтауға қа­тысты жұмыстар туралы да сту­денттерге мәліметтер бе­руде. Сондай-ақ студенттер сейсмикалық болжау әдіс­те­рімен танысуға, жер сіл­кі­ніс­терін ерте хабарлау жүйесін әзірлеуге қатысуда.

Болашақта студенттер сейс­микалықты, геоло­гия­лық құрылымды немесе сейс­мологияның басқа са­ла­ларын зерттеу бойынша нақ­ты ғы­лы­ми жобаларға қатыса ала­ды. Бұл студенттердің тео­риялық білімі мен тәжі­ри­белік дағдыларын ұштастыра оты­рып, ғылымға қадам ба­су­дың алғы шарттары. Өз ма­ман­ды­ғының нақты иесі болу және бә­секеге қабілетті ма­ман бо­лып қалыптасу жо­лын­да сейс­микалық мәлімет­тер­ді өң­деу бағдарламаларын құру үшін бағдарламалау тіл­дерін зерттеумен де ай­на­лы­су­да.

Жалпы, Сейсмология инс­ти­тутындағы өндірістік тәжі­ри­бе әрбір студенттің дағ­ды­сы мен қызығушылығын жеке дамытуға бағытталуда. Тә­жі­рибелі мамандармен бірге жұ­мыс істеу студенттерге құн­ды тәжірибе жинақтауға әрі сейсмология саласын­да­ғы табысты мансап үшін қа­жетті кәсіби дағдыларды да­мытуға көмек береді. Сейс­мология институтының ма­мандарына біздің фа­куль­те­тімізбен бірлесіп жұмыс істеп, студенттерге жан-жақ­ты тәжірибе жинақтауға кө­мек беріп жатқаны үшін ал­ғыс айтамыз.

Ақтоты БЕКЖАНОВА,

Картография және геоинформатика кафедрасының оқытушысы