«АБАЙ ҚҰНАНБАЙҰЛЫНЫҢ ШЫҒАРМАШЫЛЫҚ МҰРАСЫ ЖӘНЕ ІЛІМІ»

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

АБАЙ ҒЫЛЫМИ-ЗЕРТТЕУ ИНСТИТУТЫ

АҚПАРАТТЫҚ ХАТ

Әл-Фараби атындағы ҚазҰУ жанындағы Абай ғылыми-зерттеу институты ұлы ойшыл Абайдың туған күніне орай 2024 жылдың 9 тамызында ҚазҰУ-дың 90 жылдығы аясында өтетін «АБАЙ ҚҰНАНБАЙҰЛЫНЫҢ ШЫҒАРМАШЫЛЫҚ МҰРАСЫ ЖӘНЕ ІЛІМІ» атты бесінші халықаралық ғылыми (офлайн-онлайн) конференцияға қатысуға шақырады.

Конференцияға қазақстандық және шетелдік әдебиеттанушы ғалымдар, ЖОО мен ғылыми-зерттеу институттарының ғалымдары, докторанттар, магистранттар және БАҚ өкілдері қатысады.

Конференция мақсаты – қазақ халқының ұлы ақыны Абайдың шығармашылық мұрасы мен ілімін заманауи ғылыми парадигмалар тұрғысынан қарастыру. Конференцияда қарастырылатын мәселелер:

- Абайдың шығармашылық тұлғасы және тағылымы;

- Абайдың шығармашылық мұрасының жаңаша пайымдалуы;

- Абай ілімінің концептуалды жүйесі;

- Абайдың шығармашылық мұрасы мен ілімінің қазіргі руханияттағы орны мен маңызы.

Конференция 2024 жылдың 9 тамызында сағат 11.00-де әл-Фараби кітапханасының 409-залында өтеді. Онлайн байланыс «Zoom» платформасында басталады. Сілтеме қосымша хабарланады.

Байланыс телефондары:  8701 270 18 68 (Ләйла Жұматайқызы); 8705 750 45 56 (Бибігүл Дәулетқызы).

Материалдар 2024 жылдың 9 тамызына дейін қабылданады. Мақалаларды мына электронды мекенжайға жіберу қажет:  Abaigzikonf@gmail.com Конференция материалдарын электронды жинақ ретінде шығару жоспарланған. Жинаққа Халықаралық кітапханалық стандартты нөмірі (ISBN) беріледі.

Материалдарды рәсімдеуге қойылатын талаптар:

1. Материалдар электронды нұсқада  Abaigzikonf@gmail.com поштасына қабылданады.  Файл «Microsoft Office Word» форматында сақталып, автордың аты-жөнімен аталуы тиіс.
2.  Автордың аты-жөні, тегі, қызмет орны, ғылыми атағы, елі (шрифт Times New Roman, жартылай қою, курсив, 14-кегль) беттің жоғарғы оң жақ бұрышына орналастырылуы қажет.
3. Мақаланың атауы (шрифт Times New Roman, жартылай қою, 14 кегль) – беттің ортасында. 

Негізгі мәтін Times New Roman (14 кегль) қарпімен бір жоларалық интервал арқылы орындалады (үлгіні қараңыз). Негізгі мәтіннің абзацтық шегінісі – 1,5; теңестіру – ені бойынша; мәтіндегі тасымалды орналастыру – автоматты түрде.  

1. Әдебиеттер тізімі – негізгі мәтіннен кейін (шрифт Times New Roman
   (12 кегль)
2. Әдебиетке сілтеме тік жақшаға алынады және сөйлем соңында әдебиеттер тізімінен алынған дереккөздің нөмірі, сондай-ақ беттің нөмірі тұрады. 
3. Автор туралы мәліметтер мәтіннің соңында көрсетіледі: тегі, аты, әкесінің аты (толық); қаласы; жұмыс орны және лауазымы; ғылыми дәрежесі және атағы; студент, магистрант, докторанттар оқу орнын, курсын, факультетті немесе кафедраны көрсетеді.
4.  Материалдардың көлемі 6 беттен аспауы тиіс.

Конференция тақырыбына сәйкес келмейтін, сондай-ақ редакциялаудан өтпеген материалдар жинаққа қосылмайды.