"Жану және плазмахимия. Көміртекті және наноэнергетикалық материалдардың физикасы мен химиясы" атты XV-ші Халықаралық симпозиум

Бүгін Химиялық физика және материалтану кафедрасында "Жану және плазмахимия. Көміртекті және наноэнергетикалық материалдардың физикасы мен химиясы" тақырыбында XV-ші Халықаралық симпозиум басталды. Іс-шара профессор Г.И. Ксандопулоның 95 жасқа толуына және Ресей Ғылым академиясының академигі, профессор З.Р. Исмагиловты еске алуға орай ұйымдастырылды.

Симпозиум қазіргі плазмалық процестерден бастап наноматериалдар мен олардың энергетикалық қасиеттері және өнеркәсіпте қолдану мүмкіндіктеріне дейін ғылыми зерттеулердің негізгі бағыттарын қамтыды. Іс-шара ғылыми қауымдастықта үлкен қызығушылық тудырды, тәжірибелі зерттеушілер мен жас ғалымдарды біріктірді. Негізгі баяндамашылардың арасында:

• Зулхаир Аймұхаметович Мансұров (Қазақстан) "Қазақстанда химиялық физиканың дамуына академик Г.К. Ксандопулоның қосқан үлесі" тақырыбында баяндама жасады. Профессор Мансұров профессор Ксандопулоның Қазақстандағы химиялық физиканың қалыптасуы мен дамуына қосқан үлесі туралы толық айтып, оның әлемдік ғылымдағы маңыздылығын атап өтті.
• Денис Нұрмұхамедов (Ресей) "Көмірді лазермен тұтату" тақырыбында баяндама жасап, көмірдің жану процестерін бастау үшін лазерлерді қолдану мүмкіндіктерін, оның энергетикадағы жаңа технологияларға әкелетінін талқылады.
• Летисия Фернандез (Бельгия) "Микротолқынды тұтату және иондық сұйықтықпен қапталған нано-металл ұнтақтары" тақырыбында баяндама жасап, микротолқынды сәулеленуді ионды сұйықтықтармен өңделген нанометалдарды тұтату үшін қолдануды қарастырды. Бұл тәсіл энергетика мен материалтану саласындағы жаңа мүмкіндіктерді ашады.
• Сұлтанов Фаиль (Қазақстан) "Нанокеуекті көміртекті материалдарды қолдану" тақырыбында сөз сөйлеп, нанокеуекті көміртекті материалдарды энергия сақтау және фильтрациялық жүйелер сияқты әртүрлі салаларда қолдану мүмкіндіктері туралы баяндады.
• Камар Аббаз (Австрия) "Гибридті суперконденсаторларда электр энергиясын сақтау" тақырыбында баяндама жасап, электр энергиясын тиімді сақтау үшін гибридті суперконденсаторларды дамытудағы соңғы жетістіктерді сипаттады.

Түстен кейін жас ғалымдар өз зерттеулерін ұсынған постерлік сессиялар өтті. Бұл сессиялар үлкен қызығушылық тудырып, химия мен материалтану саласындағы жас мамандар мен жетекші сарапшылар арасында пікір алмасу алаңына айналды.

Ертең, 2 қазанда, симпозиумның соңғы күнінде ең үздік ғылыми баяндама мен постерлік баяндамалар үшін марапаттау рәсімі өтетін болады, ол симпозиумның қорытынды шарасы болмақ.