Әл-Фараби атындағы Қазақ Ұлттық университеті мен Гданск университеті арасындағы ынтымақтастық көрінісі

Әл-Фараби атындағы Қазақ ұлттық университетінің Тарих факультеті мен Гданьск университетінің Тарих факультеті өкілдерінің кездесуі

Тұрақты дамудың №17 мақсаты «Тұрақты даму мүддесіндегі серіктестік» аясында Әл-Фараби атындағы Қазақ ұлттық университеті мен Гданьск университеті өкілдерінің кездесуі өтті.

Кездесуге қатысушылар:

• Збигнев Ландовский, Гданьск университетінің қазіргі заманғы жалпы тарих кафедрасының доценті;
• Дмиртий Панто, Польша Республикасының Гданьск қаласындағы Екінші дүниежүзілік соғыс музейінің бас ғылыми қызметкері;
• Мырзабекова Рыскелды Саламатовна, Әл-Фараби атындағы Қазақ ұлттық университетінің дүниежүзі тарихы, тарихнама және деректану кафедрасының меңгерушісі, профессор;
• Суйнова Айнур Талгатовна, Әл-Фараби атындағы Қазақ ұлттық университетінің тарих факультетінің ғылыми-инновациялық қызметі жөніндегі декан орынбасары.

Пікір алмасу тақырыптары:

• 2025 жылдың наурыз айында өтетін «Қазақ-поляк қатынастары тарихының параллельдері: методологиясы, оқыту әдістері және заманауи ұсанымдар» атты онлайн конференцияның дайындығы мәселесі талқыланды.
• Білім беру саласындағы ынтымақтастық: Кездесуге қатысушылар университеттер арасындағы барлық білім беру деңгейлеріндегі: бакалавриат, магистратура және докторантурадағы ынтымақтастық перспективаларын талқылады. Студенттер мен оқытушылар арасындағы академиялық ұтқырлық мәселесі, бірлескен зерттеулер жүргізу және досдипломды білім беру бағдарламаларын әзірлеу мүмкіндіктері туралы айтылып, мәселені нақты шешу жолдары талқыланды. Докторантурада білім алушыларға Хиршасы 2-ден жоғары поляк ғалымдарын шетелдік жетекші ретінде  тарту мәселесі көтерілді. Әл-Фараби атындағы Қазақ ұлттық университетінің білім алушыларына Гданск университеті ғалымдарының дәріс оқу мүмкіндіктері туралы айтылды.
• Ғылым саласындағы ынтымақтастық: Қазақ-поляк ғалымдарының бірлескен халықаралық жоба беру мүмкіндіктері туралы, академиялық ұтқырлық мәселесі, біліктілікті арттыру мәселесі, халықаралық конференциялар мен кездесулер ұйымдастыру мәселесі қарастырылды.  Халықаралық ынтымақтастықтықты белсендіру жолдары мен тәсілдері ұсынылды. Поляк ғалымдарының мақалаларын Тарих факультетінің Хабаршы журналына жариялау мүмкіндіктері және қазақ университеті ғалымдарының мақалаларының поляк журналдарына жариялану мүмкіндіктері айтылды.

Кездесу сындарлы және достық атмосферада өтті. Қатысушылар Қазақстан мен Польша арасындағы ғылым және білім беру саласындағы байланыстарды нығайтуға және орнатылған ынтымақтастыққа ықпал ететініне сенім білдірді.

Жауапты Дүниежүзі тарихы, тарихнама және деректану кафедрасының профессоры Мырзабекова Р.С., аға оқытушы Суйнова А.Т., аға оқытушы Дюсембек Ж.К. оқытушы Ходжабай М.А.