Айқын

Орны бөлек оқу ордасы

Әл-Фараби атындағы Қазақ ұлттық университеті – еліміздегі ең беделді жоғары оқу орындарының ең беделдісі әрі бірегейі.

ҚазҰУ– Қазақстан ЖОО басты рейтингісі бойынша көшбасшы, мемлекетіміздің тарихында бірінші болып Қазақстан Республикасы Президентінің сыйлығының лауреаты «Сапа сала­сын­дағы жетістіктері үшін», Тәуелсіз Мемлекеттер Достастығының «Қызметтер пен өнім сапасы сала­сын­дағы жетістіктері үшін» сыйлығының дипломанты.
Университет құрамында 14 факультет, 98 кафедра, 20 ғылыми-зерттеу институты мен орталықтар, технопарк қызмет атқарады: 2000-нан астам профессорлар, докторлар, ғылым кандидаттары мен философия докторлары, 100-ден астам академиялардың академиктері, 30-ға жақын Қазақстан Респуб­ликасына еңбек сіңірген қайраткерлері, 30-дан астам Қазақстан Республи­ка­сының мемлекеттік және атаулы сыйлығының лауреаттары, сондай-ақ 40 жас ғалымдар сыйлығының лауреаттары мен 45 мемлекеттік ғылыми стипендия­лардың стипендианттары еңбек етеді. Университетте 18 мыңнан астам білім­гер­лер мен көпсалалы жоғары кәсіби білім жүйесі бойынша магистранттар білім алуда.
Қазақстанның 14 университеті дамушы Еуропа елдері мен Орталық Азия елдерінің жоғары оқу орындары рейтингіне енді. Рейтинг академиялық ре­путация (өз саласындағы еңбегімен әлем назарын аударған ғалымдар саны), жұмыс берушілер сұранысы (түлектерінің жұмысқа орналасу көрсеткіші), студенттер саны (топтағы білім алуға оңтайлы студенттер саны), интернетке қол­жетімділік, PhD қызметкерлері саны, сілтемелер жиілігі (ғылыми еңбек­теріне әлемде жасалған сілтемелер) сияқты тоғыз фактор бойынша жасақталады. Бұл тізімді британдық Quacquarelli Symonds компаниясы жасайды.
Тізімге барлығы 22 елден 150 ЖОО кірген. Қазақстандық жоғары оқу орын­дары арасында алғашқы үштікте Қазақ ұлттық университеті 21-орынға ие бо­лып, алға шықты.
– Енді білім беру бағдарламаларының EUR-ACE сапасымен оқыған әл-Фараби атындағы ҚазҰУ түлектері «Еуропалық Инженер» кәсіби атағын алып, еуропалық инженерлер регистріне қосылуға мүмкіндік алады. Бұл сөзсіз маман­дардың қоғамдағы орнын айқындап, жұмысқа орналасу кезінде таңдаудың артуына септігін тигізеді, – дейді ҚазҰУ оқу жұмысы жөніндегі проректоры Дархан Ахмет-Заки.
Бұдан бұрын білім беру бағдарламаларын жоғары сапамен қамтамасыз ету мақсатында ҚазҰУ басқаратын ЖОО Консорциумы ENAEE бірлестігімен ке­лісімге қол қойған болатын. Ол EUR-ACE сапа белгісін ала отырып, инже­нер­лік және жаратылыстану бағытындағы білім беру бағдарламаларын аккре­ди­тациялауға және инженерлік аккредитацияланған бағдарламаларының жалпы еуропалық регистріне енуге бағытталған.
Маржан ЖҰМАБЕК, әл-Фараби атындағы Қазақ ұлттық университеті механика-математика факультетінің 1-курс студенті
http://aikyn.kz/ru/articles/show/16691-orny_b_lek_o_u_ordasy