Тарихшы студенттер Мейірімділік күніне орай қайырымдылық акциясын өткізді

Тұрақты даму мақсаттарының №1 Кедейшілікті жою аясында. 

24 қазан 2024 ж. – 13 қарашада аталып өтетін Халықаралық мейірімділік күні қарсаңында әл-Фараби атындағы ҚазҰУ тарих факультетінің студенттері қайырымдылық акциясын өткізді. Ұйымдастырушылар дүниежүзі тарихы, тарихнама және деректану кафедрасының оқытушылары, доцент, т.ғ.к. Г.Е. Сәбденова және PhD доцент П.Н. Нұсқабай болды.

Акция аясында студенттер көпбалалы және аз қамтылған отбасыларға азық-түлік жеткізіп, көмек көрсетті.

«Біз тарихты зерттеумен қатар, мұқтаж жандарға көмектесіп, бүгінгі күнге өз үлесімізді қосуды маңызды деп санаймыз», - деп акцияға қатысушылардың бірі өз ойымен бөлісті.

Тарих факультеті студенттерінің бұл бастамасы – әлеуметтік жауапкершіліктің және жақынына қамқорлық көрсетудің жарқын үлгісі.