«Теңіз экожүйесін сақтау» тақырыбында дөңгелек үстел
2024 жылы 24 қазанда БҰҰ ТДМ 14-мақсатына қол жеткізу аясында әл- Фараби атындағы Қазақ ұлттық университетінің Тарих факультетінің студенттері арасында Қазақстан тарихы кафедрасының оқытушысы Е.Р. Өзенбектің жетекшілігімен ТДМ 14-Теңіз экожүйелерін сақтау туралы талқылауы өтті. Іс-шара дөңгелек үстел форматында ұйымдастырылды. Бұл іс-шара теңіз экожүйелерін жойылу мен ластанудан қорғаудың шұғыл қажеттілігін, мұхиттардағы биоәртүрліліктің маңыздылығын және адам қызметінің теңіз жануарлары мен өсімдіктеріне әсерін талқылауға арналды. Сонымен қатар теңіз экожүйелерін сақтау үшін нақты қадамдар, теңіз қорықтарын ұйымдастыру, мұхиттардағы қоқыс жинауды жақсарту және балық аулаудың тұрақты әдістерін әзірлеу секілді мәселелер сөз болды.
Біз бірлескен күш-жігермен теңіз экожүйелеріміздің болашағын қамтамасыз ете аламыз деп сенеміз, мұхиттар біздің планетамыздың өмірінде маңызды рөл атқаратынын және олардың биоәртүрлілігін сақтау шұғыл әрекет етуді қажет ететін міндет екенін ұмытпауымыз қажет дей отыра іс-шарада студенттер белсенді қатысып, теңіз экожүйесінің маңызды аспектілерін, теңізді қорғаудың құқықтық негіздерін, теңізді ластаудың қоғамға қауіптілігін талқылады. Шараға төрағалық етуші – Қазақстан тарихы кафедрасының оқытушысы Е. Өзенбек теңіз экожүйесін сақтауға ұсыныстар білдірген студент жастарға өз алғысын білдірді.
Әл-Фараби атындағы ҚазҰУ, Тарих факультеті, Қазақстан тарихы кафедрасының оқытушысы Өзенбек Еркебұлан.
