2024 жылғы 28 қазанда Халықаралық қатынастар факультетінің дипломатиялық аударма кафедрасында «Қазақстандағы діни мерекелер» тақырыбына дебат өтті. Дебатты «Халықаралық және құқықтық қатынастар саласындағы аударма» мамандығының 2-курс студенттері ұйымдастырды. Дебат барысында 31 қазан күні өтетін Хэллоуин мерекесіне орай қызықты презентациялар мен постерлер дайындалды.
Хэллоуин – әлемдегі ең жұмбақ және атмосфералық мерекелердің бірі, ол Қазақстанда жыл сайын танымалдылыққа ие болып келеді. 2024 жылы ел тұрғындарының көпшілігі қайтадан осы сиқырлы күнге қорқынышты костюмдермен, тақырыптық кештермен және күз бен мистиканың рухында безендірулермен дайындалып жатыр. Хэллоуин Қазақстанда тек көңіл көтеру мүмкіндігі ғана емес, сонымен қатар әлемдік мәдениетке жақындап, қызықты дәстүрлерді үйрену мүмкіндігі.
Талқылау екі жаққа бөлінді: жақтаушылар мен қарсы пікір білдірушілер. Қолдаушылар Хэллоуин балалар мен отбасыларға костюмдер тігіп, шығармашылық танытуға, мәдениеттермен алмасуға және әлем туралы көбірек білуге мүмкіндік беретінін айтты. Сонымен қатар, олар бұл мерекенің Қазақстанның мерекелік өміріне әртүрлілік қосатынын атап өтті. Ал қарсы тарап Қазақстанның ұлттық дәстүрлеріне сәйкес келмеуін және Хэллоуиннің артық коммерциялануын атап өтіп, бұл балалар арасында материализмді тудыруы мүмкін деген пікір білдірді.
Сондай-ақ, түнгі уақытта қауіпсіздік мәселелері мен Хэллоуиннің қорқынышты тақырыптарының кішкентай балаларға қажетсіз үрей тудыруы мүмкін екендігі айтылды.
Топ эдвайзері: ф.ғ.к., доцент Смагулова А.С.
Басқа жаңалықтар
