ХҚ және ӘЭ кафедра оқытушыларының Ш. Есенов атындағы Каспий технологиялар және инжиниринг университетіне сапары

БҰҰ-ның 17 тұрақты даму мақсатын (ТДМ 17)  іске асыру шеңберінде халықаралық қатынастар және халықаралық экономика кафедрасының аға оқытушылары Парпиев Сырым Маратұлы және Апсаттарова Гулзада Абдусагатовна Ақтау қаласына іссапар барысында Ш.Есенов атындағы Каспий технологиялар және инжиниринг университетінің оқытушылары және әкімшілігімен байланыс орнатты. Кездесу барысында ғылым және білім саласындағы ынтымақтастық перспективалары талқыланды.

Аға оқытушы Парпиев Сырым Маратұлы студенттерге «Халықаралық қатынастар мамандығы бойынша кім жұмыс істей аламын?» тақырыбында қонақ дәрісін оқыды. Дәріс студенттер үшін өзекті болып, үлкен қызығушылығын тудырды. Сырым Маратұлы дипломатиялық қызмет пен халықаралық ұйымдардан бастап, бизнес құрылымдарда, талдау орталықтарында, сондай-ақ халықаралық құқық және коммуникациялар саласында жұмыс істеуге дейінгі мансаптық жолдардың кең спектрін көрсете отырып, осы мамандық түлектерінің алдында ашылатын түрлі кәсіби перспективалар туралы маңызды ақпарат берді. Шет тілдерін білу, аналитикалық ойлау және халықаралық тұрақсыздық жағдайында жұмыс істеу қабілеті сияқты пәнаралық білім мен дағдылардың маңыздылығына ерекше назар аударылды.

Университет басшылығы дәрісті жоғары бағалап, ынтымақтастық пен білім беруді дамытуға қосқан үлесі үшін алғысын білдірді.