Көркем шығармаларды оқытудың тиімді әдіс-тәсілдер

2024 жылғы 29 қарашада Әл-Фараби атындағы Қазақ ұлттық университетінің 90 жылдығына орай және 4-ТДМ аясында «Сапалы білім беру» филология факультетінің қазақ әдебиеті және әдебиет теориясы кафедрасы, Т.Қ. Жүргенов атындағы Мәдени-ағарту, шығармашылық клубымен бірлесіп, «Көркем шығармаларды оқытудың тиімді әдістері мен тәсілдері» тақырыбында республикалық ғылыми-практикалық конференция өткізді. Конференцияға танымал жазушы, «Алаш» Халықаралық әдеби сыйлығының иегері, Қазақстан Жазушылар одағы мен Журналистер одағының мүшесі С.М. Досжан, ақын, әдебиеттанушы-ғалым, филология ғылымдарының докторы, профессор З.Н. Сейітжанов, Жамбыл Жабаев атындағы Филологиялық зерттеулер ғылыми орталығының жетекшісі, филология ғылымдарының докторы, доцент А.А. Мәуленов, Т.Қ. Жүргенов атындағы Мәдени-ағарту, шығармашылық клубының жетекшісі, журналистика факультеті деканының орынбасары, филология ғылымдарының кандидаты, доцент Б.С. Иманғалиев қатысты. Конференция модераторлары қазақ әдебиеті және әдебиет теориясы кафедрасының меңгерушісі, филология ғылымдарының докторы, профессор А.Б. Темірболат, филология магистрі, қазақ әдебиеті және әдебиет теориясы кафедрасының аға оқытушысы Г.Т. Оспанова болды. Іс-шара офлайн және онлайн форматта өтті.

Конференция аясында филология ғылымдарының кандидаты, Х.Досмұхамедов атындағы Атырау университетінің доценті Г.Б. Аяпова, ҚазҰҚызПУ докторанты Н.К. Әбдіманап, М.Х. Дулати атындағы Тараз университетінің магистранты М. Мәрек, Қорқыт Ата атындағы Қызылорда университетінің магистранттары А.М. Мұғыраж және Ж. Төлеген, әл-Фараби атындағы ҚазҰУ, «Әдебиеттану» мен «Қазақ тілі мен әдебиеті» мамандықтары бойынша оқитын студенттері А. Ерболова, Н. Нәрікбай, А. Серікбаева, Д. Сарқанбай баяндама жасады. Баяндамаларында олар қазақ жазушыларының шығармашылығын зерттеуде және орта мектептер мен жоғары оқу орындарында әдебиетті оқытуда қандай цифрлық және инновациялық технологияларды қолдануға болатынын айтып берді. Нұркен Нәрікбай мен Айым Серікбаевтың жасанды интеллект пен комикстердің көмегімен көркем шығармаларды қалай зерттеуге болатынын нақты мысалдармен көрсеткен баяндамалары ерекше қызығушылық тудырды.
Конференция қорытындысы бойынша марапаттау рәсімі өтті. Үздік баяндамалардың авторлары естелік сыйлықтар мен атаулы стипендиялар алды. Бұл конференцияның Қазақстанның жоғары оқу орындары арасындағы ынтымақтастық пен тәжірибе алмасудағы маңыздылығы атап өтілді.