Триполи университетімен байланыс

Әл-Фараби атындағы Қазақ ұлттық университеті шығыстану факультетіне Ливан мемлекеті Триполи университетінің ректоры доктор Рафат әл-Миқати мырза келді.

Қазақ ұлттық университетіне тұңғыш рет  келіп отырған университет ректорын шығыстану факультетінің деканы Ем Н.Б. қабылдады.

Кездесу барысында ректор Рафат әл-Миқати өзі  басқарып отырған Триполи университетінің құрылымы, факультеттері мен ғылыми орталықтары, білім беру бағыттары мен ғылыми жетістіктері  сондай-ақ, шетелдік білім алушылар үшін университет тарапынан ұсынылатын мүмкіндіктер туралы жан-жақты баяндалды.

Факультет деканы Ем Н.Б. өз кезегінде шығыстану факультетінің қабарығасында оқытылатын шығыс тілдері,  ерекшеліктері мен мүмкіндіктері жайлы баяндап, факультеттің  тыныс-тіршілігімен таныстырды.

Рафат әл-Миқати мырза арабтану бөлімінің оқытушы-профессорлары және білім алушыларымен де кездесіп, бөлімдегі араб тілінің оқытылуы, оқулықтар, тіл үйретудің мүмкіндіктері сондай-ақ,  білім алушылардың тілдік деңгейлері, болашақ екіжақты ғылым, білім беру салаларындағы алмасулар туралы пікірлесті.

Кездесу соңында факультет деканы ректор мырзаға зор алғысын білдіріп, арнайы сый тарту етті.