Германиялық профессор әл-Фараби атындағы ҚазҰУ-да жасыл бастамаларды ілгерілету мақсатында болды

Әл-Фараби атындағы Қазақ ұлттық университетіне Неміс федералдық экологиялық қоры (DBU) қаржыландыратын ALMA-KIKA жобасының жетекшісі, профессор доктор Маттиас Крамер келді.

Сапар барысында профессор Крамер Орталық Азияда жасыл бастамаларды іске асыруға және геожүйелерді сақтау мақсатында университет инфрақұрылымымен танысты. Сонымен қатар, «Сиверс алмасына  жол» атты экомаршрут бойынша бірлескен іс-шара ұйымдастыру жоспары талқыланды. Бұл маршрут аймақтың бірегей табиғи мұрасын сақтаудың символы болып табылады.

Бұл сапар тұрақты даму мен экология саласындағы халықаралық ынтымақтастықты нығайтуға маңызды қадам болды.